Main Menu

રાજુલા પંથકનાં ચાંચ, ખેરા, પટવા સહિતનાં 7 ગામોમાં દેશી દારૂની નદીઓ વહી રહી છે : ધારાસભ્‍યની ચીમકી

ધારાસભ્‍યએ પોલીસ કાંઈ નહીં કરે તો જનતા રેડની ચીમકી ઉચ્‍ચારી

રાજુલા પંથકનાં ચાંચ, ખેરા, પટવા સહિતનાં 7 ગામોમાં દેશી દારૂની નદીઓ વહી રહી છે

રોષે ભરાયેલ મહિલાઓએ ધારાસભ્‍યને કરી રજૂઆત

રાજુલા, તા.13

રાજુલાનાં દરિયાકાંઠે આવેલા ચાંચ, ખેરા, પટવા,  સમઢીયાળા, વીકટર, વાવેરા અને જાફરાબાદના શિયાળબેટ આ સાત ગામની ર00થી વધુ મહિલાઓએ આજે રજૂઆત કરી હતી કે અમારા ગામમાં છડેચોક વિના રોક ટોક દેશી દારૂનું વેચાણ થાય છે. અમે ગરીબ પરિવારમાંથી આવીએ છીએ. અમારા પરિવારના પુરૂષો સાથે અમે પણ        કાળી મજૂરી કરી રોજગારી મેળવીએ છીએ. અમે સાંજના સમયે અમારા પુરૂષો સાથે ઘરે આવીએ છીએ ત્‍યારે અમારા પુરૂષો, યુવાનો છડેચોક વેચાતા દેશી દારૂના અડ્ડાઓમાં જઈ ફુલ દારૂ ઢીંચીને ઘરે આવે છે. અમારા પુરૂષો કે યુવાનો એટલી હદે દારૂનાનશામાં હોય છે કે અમારૂ રાંધેલુ ધાન ખાવાના બદલે ઢોળી નાખે છે અને અપશબ્‍દોનો વરસાદ વરસાવે છે. આવું રોજે રોજ બનતું હોય અમારા પરસેવાની કમાણી દારૂના દૂષણમાં જતી રહે છે. અને અમારી આર્થિક સ્‍થિતિ પણ વેર વિખેર થઈ જાય છે. અને અમારે નાછૂટકે ઉધાર ઉછીના કરવા પડે છે. સાત ગામથી ર00થી વધુ મહિલાઓએ અશ્રુભીની આંખે આવી ચોંકાવનારી રજૂઆત કરતા ધારાસભ્‍ય ચોંકી ગયા હતા અને તેમણે રજૂઆત કર્તાઓને કહયું હતું કે હું તમારી તકલીફ અંગે પોલીસનું ઘ્‍યાન દોરૂ છું અને જો સમયસર પગલા પોલીસ લઈને દારૂના હાટડાઓ બંધ નહીં કરાવે તો હું તમારા ગામે આવી તમોને સાથે લઈ આવા અડ્ડાઓ ઉપર જનતા રેઈડ કરીશ.