Main Menu

પરેશ ધાનાણી, હાર્દિકપટેલ, અલ્‍પેશ ઠાકોર અને જીજ્ઞેશ મેવાણી ભાજપ સરકાર માટે 4 યુવાનો માથાનાં દુઃખાવારૂપ

તમામ યુવાનો દિભઉગેને કોઈને કોઈ નિવેદન કે કાર્યક્રમ કરીને સરકાર સામે બાથ ભીડે છે

અમરેલી, તા. ર0

ગુજરાતમાં છેલ્‍લા 3 વર્ષથી 4 યુવાનો ભાજપ સરકાર સામે બાંયો ચડાવીને ભારે લોકપ્રિય બન્‍યા છે. તો 4માંથી 3 યુવાનો તો ધારાસભ્‍ય બની જતાં મીડિયા જગતને પણ તેનાં નિવેદન અને કાર્યક્રમોની નોંધ લેવી પડે છે.

આજથી ત્રણ વર્ષ પહેલા રર વર્ષનાં પાટીદાર યુવક હાર્દિક પટેલ સૌપ્રથમ વિસનગરમાં અને બાદમાં રપમી ઓગષ્‍ટ ર01પનાં રોજ અમદાવાદનાં જીએમડીસી મેદાનમાં પાટીદાર અનામતની માંગ સાથે ઐતિહાસિક રેલી કરીને તેની શકિતનો પરિચય ભાજપ સરકારને કરાવ્‍યા બાદ અનેક પ્રકારનાં કેસ તેની સામે થયા. જેલવાસ થયો છતાં પણ તેમણે હિંમત હારી નથી અને આજે પણ તેનો સંઘર્ષ યથાવત જોવા મળી રહૃાો છે. અને તે આગામી રપમી ઓગષ્‍ટથી પુનઃ આંદોલન શરૂ કરી રહૃાો છે.

હાર્દિક પટેલનાં આંદોલન બાદ તુરત જ અલ્‍પેશ ઠાકોરે ઓબીસી એકતા મંચનાં નેજા તળે તો જીજ્ઞેશ મેવાણીએ દલિતોનાં પ્રશ્‍ને રાજય સરકાર સામે બાથ ભીડી. જેમાં અલ્‍પેશ ઠાકોર કોંગ્રેસ તરફથી અને જીજ્ઞેશ મેવાણી કોંગ્રેસનાં સમર્થનથી ધારાસભ્‍ય બની ગયા છે. બીજી તરફ કોંગ્રેસનાં અમરેલીનાં યુવાધારાસભ્‍ય પરેશ ધાનાણીને રાહુલ ગાંધીએ વિપક્ષી નેતા બનાવતાં તેઓ પણ છેલ્‍લા થોડા દિવસોથી મગફળીકાંડને લઈને ભાજપ સરકાર પર ભીંસ વધારી રહૃાા હોય હાલ ગુજરાતમાં પીઢ અને અનુભવી નેતાઓને બદલે ઉપરોકત ચારેય યુવાનો કોઈને કોઈ કાર્યક્રમ થકી હંમેશા મીડિયામાં ચમકતા રહે છે અને તમામનો માર્ગ અલગ-અલગ છે. પરંતુ મંઝિલ એક જ છે ભાજપ સરકારને કેવી રીતે ઘેરી શકાયા.