Main Menu

શીતલ ઈન્‍ડસ્‍ટ્રીઝ 10 દિવસમાં ફરી ધમધમતી જશે : ભુપતભાઈ ભુવા

શીતલ ઈન્‍ડસ્‍ટ્રીઝ 10 દિવસમાં ફરી ધમધમતી જશે : ભુપતભાઈ ભુવા

અકસ્‍માતે આગ બાદ એમ.ડી.એ ગ્રાહકોને આપેલો વિશ્‍વાસ

અમરેલી, તા.ર0

અમરેલી જિલ્‍લો જયારે ઉદ્યોગવિહોણો છે. ત્‍યારે જિલ્‍લાના હજારો લોકોને રોજી-રોટી આપતી શીતલ ઈન્‍ડસ્‍ટ્રીઝમાં બુધવારના રોજ નમકીન યુનિટમાં અકસ્‍માતે આગ લાગી હતી.

આ ઘટના બાદ શીતલ આસ્‍ક્રીમના મેનેજીંગ ડાયરેકટર ભુપતભાઈ ભુવાએ સંજોગ ન્‍યુઝ સાથે વાત કરતા જણાવ્‍યુંહતું કે, માત્ર 10 દિવસની અંદર જ આ યુનિટ ફરી ધમધમતું બનશે અને પહેલા કરતા પણ બમણી ઝડપે પ્રોડકશનનું કામ શરૂ થશે.

વધુમાં તેમણે જણાવ્‍યું હતું કે, જો શીતલ ઈન્‍ડસ્‍ટ્રીઝ લાંબો સમય બંધ રહે તો તેના પર નભતા પરિવારો મુશ્‍કેલીમાં મુકાય. આથી આ લોકોને મુશ્‍કેલી ન પડે તે માટે બને તેટલી ઝડપથી આધૂનિક ટેકનોલોજીથી ફરી વખત ઈન્‍ડસ્‍ટ્રીઝનું કામ શરૂ કરવાનો પ્રયત્‍ન કરવામાં આવી રહયો છે. અને આગામી દિવસોમાં શીતલ પોતાની ફેકટરીમાં પ્રોડકશન શરૂ કરશે.



« (Previous News)