Main Menu

પાણી-પુરવઠા વિભાગનાં બિસ્‍માર રૂમને જમીનદોસ્‍ત કરો

નાના બાળકો રમત-ગમતમાં રૂમમાં આવન-જાવન કરતાં હોય
પાણી-પુરવઠા વિભાગનાં બિસ્‍માર રૂમને જમીનદોસ્‍ત કરો
તાલુકા પંચાયતમાં એક વર્ષ પહેલા લેખિત રજુઆત થઈ હોવા છતાં પણ કોઈને ચિંતા નથી
અમરેલી, તા. 11
ગીર કાંઠાનાં ખાંભા તાલુકાના બોરાળા ગામે 30 વર્ષ પહેલા પાણી પુરવઠા ઘ્‍વારા બનાવાયેલ રૂમ હાલ ખંઢેર હાલતમાં ઉભો છે.
પાણી પુરવઠા ઘ્‍વારા આ રૂમ બનાવી સ્‍થાનિક ગ્રામ પંચાયતને સોંપી સંતોષ માનેલ હોય તેમ રપ વર્ષના વાણા વાયા સમયગાળામાં તંત્ર ઘ્‍વારા જાળવણી નકરાતા ખંઢેર હાલતમાં રહેલા આ રૂમ પડુ પડુ થઈ ગયો હોય અને દરવાજા કે બારી વગરના ખંઢેર રૂમનો સ્‍લેબ પણ જીવલેણ અકસ્‍માત સર્જવા ઉભો હોય.
આ ખંઢેર રૂમમાં ગામના ભુલકાઓ રમી રહૃાા હોય રોડ કાંઠે ઉભેલો ખંઢેર રૂમ ગમે ત્‍યારે પડે અને જીવલેણ અકસ્‍માત સર્જાઈ તેવી ચેતવણી સાથે રૂમને પાડી નાખવા ખાંભા તાલુકા પંચાયતને વરસ દિવસ પહેલા લેખીતમાં રજુઆત કરી હોવા છતાં સરકારી બાબુઓ અકસ્‍માતની રાહમાં હોય તેમ કોઈ પગલાં લીધા નથી.
અવાવરૂ અને ખંઢેર એવા બારી-દરવાજા વગરના આ રૂમમાં રાત્રીના સમયે દીપડા સહિતનાં વન્‍ય પ્રાણીઓ વાસ કરતા હોય કોઈ માનવી ઉપર હુમલો કરે કે ખંઢેર રૂમ અકસ્‍માત સર્જે તે પહેલા પાણી પૂરવઠાનો રૂમ પાડી નાખવા ગ્રામજનોમાં માંગણી ઉઠી છે.