Main Menu

અમરેલી જિલ્‍લાનાં ખેડૂતોમાં પાકવીમાને લઈને નારાજગી

ર36 ગામોમાં પાકવીમા પેટે ફુટીકોડી પણ મળી નથી
અમરેલી જિલ્‍લાનાં ખેડૂતોમાં પાકવીમાને લઈને નારાજગી
આગામી દિવસોમાં ખેડૂતો દ્વારા રાજકીય આગેવાનોનાં ગામ પ્રવેશ પર પ્રતિબંધ લગાવવાની તૈયારી
ખેડૂત સમાજનાં પ્રમુખ નરેશ વીરાણીએ પાકવીમાને લઈને આંદોલનની ચીમકી ઉચ્‍ચારી
અમરેલી, તા.
અમરેલી જિલ્‍લાને ગત વર્ષના પાકવીમાની થોડા દિવસ પહેલા સત્તા પક્ષનાં નેતાઓ ઘ્‍વારા જાહેરાત કરી દેવાઈ છે. જિલ્‍લાનાં ખેડૂતોને પાકવીમા પેટે ર18 કરોડની ફાળવણી કરવામાં આવી છે પરંતુ જિલ્‍લાના મોટાભાગના વિસ્‍તારના ખેડૂતોમાં અસંતોષ જોવા મળી રહૃાો છે. રાજુલા, જાફરાબાદ, લાઠી, બાબરા પંથકનાં અનેક ગામો પૈકી ર36 ગામોને પાકવીમા પેટે એક રૂપિયો પણ આપ્‍યો નથી. રાજુલા તાલુકાના એકપણ ગામને પાકવીમો નહીં, જાફરાબાદ તાલુકાના 31, ખાંભા તાલુકાનાં ર0, સાવરકુંડલા તાલુકાના 10 ગામો, બાબરા તાલુકાના 4પ ગામો, લાઠી તાલુકાના 40 ગામોને પાકવીમો મળ્‍યો નથી. અને આ વિસ્‍તારના ગામોમાંથી પાકવીમાના પ્રિમીયમ પેટે કરોડો રૂપિયાનું ઉઘરાણું કર્યુ છે. પણ બાજુના ગામમાં જાણે સારો એવો વરસાદ પડયો હોય તેમ એકને ખોળ અને એકને ગોળની નીતિ અપનાવીને કંપનીએ અને સત્તા પક્ષના નેતાઓએ ખેડૂતોની મશ્‍કરી કરી છે. અને જે ગામોમાંપાકવીમો મળવાનો છે તેમાંથી એવા પણ અનેક ગામો છે જેને કાં તો માત્ર મગફળીનો પાકવીમો મળશે કાં તો માત્ર કપાસનો પાકવીમો મળશે. અનેક ગામો એવા પણ છે કે તે ગામના ખેડૂતોને જાણે ભીખ આપી હોય તેમ માત્ર 3ર રૂપિયા જેવી રકમ ફાળવીને ખેડૂતો સાથે ક્રુર મજાક કરી છે. આવો પાકવીમો ફાળવીને અમરેલીના નેતાઓ જાણે જશ ખાટવા લાઈનો લગાવી દીધી છે. પણ તેઓ ભૂલી રહૃાા છે કે તેઓ જેની મશ્‍કરી કરી રહૃાા છે તેઓ જગતના તાત છે અને જે તાતના ગામોમાં વીમો નથી મળ્‍યો તે ગામોના તાતને ખેડૂત સમાજ પ્રમુખ નરેશ વીરાણી આહવાન કરે છે કે જે કોઈ નેતાઓ જશ ખાટવા નીકળ્‍યા છે તેમને જો વીમો નહીં મળે તો ગામમાં આવવા માટે પ્રતિબંધ મુકવો અને આગામી લોકસભાની ચૂંટણીમાં આપણે આપણા મતની તાકાતનો પરચો બતાવીને પાકવીમો નહીં દેવાનો આ નેતાઓને અફસોસ કરાવીશું. અને આગામી સમયમાં આ બબતે જિલ્‍લાનાં તમામ ખેડૂત સમાજના તાલુકા પ્રમુખ સાથે મિટીંગનું આયોજન કરીને આગામી રણનીતિ બનાવીશું તેમ અંતમાં જણાવેલ છે.
ખાંભામાં પાક વીમા પ્રશ્‍ને અન્‍યાય થતા આજે માર્કેટિંગ યાર્ડ ખાતે વિશાળ ખેડૂત સંમેલન યોજાશે
અમરેલી જિલ્‍લામાં સરકાર દ્વારા પાક વીમામાં અન્‍યાય થતો આવ્‍યો છે. ત્‍યારે અમરેલી જિલ્‍લાનાં 10 તાલુકાઓમાં ર017-18 નાપાક વીમાની રકમ ખેડૂતોને સરકાર વીમા કંપની દ્વારા ફાળવવામાં આવી છે. જેમાં ખાંભા તાલુકામાં સરકાર દ્વારા અન્‍યાય કરવામાં આવ્‍યો છે. અને ખાંભા તાલુકાના ર1 ગામને પાક વીમાથી બાકાત રાખવામાં આવ્‍યા છે. અને ખેડૂતોને ભારો ભાર અન્‍યાય કરવામાં આવ્‍યો છે. જે બાબતે ખાંભા તાલુકા પંચાયત સદસ્‍ય રમેશ કરસરિયા દ્વારા સરકારને રજુઆત કરેલ હતી. અને ખાંભા તાલુકાના અન્‍ય પાંચ ગામને 1 થી 10 ટકા જ પાક વીમાની જાહેરાત કરી છે. ત્‍યારે ખાંભાના ધારાસભ્‍ય જે.વી. કાકડીયા અને અંબરીશભાઈ ડેર દ્વારા ખેડૂતોને આ પ્રશ્‍ને ન્‍યાય અપાવવા બીડુ ઝડપ્‍યું છે. અને આવતી કાલે તા.9ના રોજ સવારે 10:30 કલાકે માર્કેટીંગ યાર્ડમાં ખેડૂતોની અન્‍યાય સામેની સભા યોજાશે અને સભાપુર્ણ થયા બાદ ખાંભા મામલતદારને પાક વીમા પ્રશ્‍ને આવેદનપત્ર પાઠવવામાં આવશે અને ખાંભા તાલુકાના ખેડૂતોને પાક વીમાનું પુરૂં વળતર મળે તે માટે ચર્ચા કરવામાં આવશે તેમ અશ્‍વિનભાઈ પેથાણીની યાદીમાં જણાવેલ હતું.
ધારીમાં આવતી કાલે ખેડૂતોનું સંમેલન
અમરેલી જિલ્‍લામાં ર00 ઉપરાંતના ગામોનાં ખેડૂતોને પાકવીમામાં અન્‍યાય થતાં જિલ્‍લાના ખેડૂતોમાં રોષનો માહોલ ઉભો થયો છે. દરમિયાન ધારાસભ્‍ય જે.વી. કાકડીયાની આગેવાનીમાં ગુરૂવારે ખાંભામાં સવારે અને શુક્રવારેધારી ખાતે બપોરે ખેડૂત સંમેલન બોલાવી રેલી સ્‍વરૂપે મામલતદાર મારફત રાજયપાલને આવેદનપત્ર પાઠવવામાં આવશે. ખેડૂત સંમેલનમાં મોટી સંખ્‍યામાં ખેડૂતો ઉપસ્‍થિત રહેશે.