Main Menu

અમરેલીની શાંતાબા મેડિકલ કોલેજ દ્વારા સર્વરોગ નિદાન કેમ્‍પ યોજાયો

શાંતાબા મેડીકલ કોલેજ દ્વારા ગાયત્રી પરિવાર ટ્રસ્‍ટના સહયોગથી શ્રી ગાયત્રી શકિત્તપીઠ અમરેલી ખાતેસર્વરોગ નિદાન કેમ્‍પ યોજાયો શાંતાબા મેડીકલ કોલેજ અને હોસ્‍પિટલ – અમરેલી દ્વારા શ્રી ગાયત્રી શકિત્તપીઠ, અમરેલી ખાતે તા. 08/08ને બુધવારના રોજ સર્વરોગ નિદાન કેમ્‍પનું આયોજન કરવામાં આવેલ. કેમ્‍પનું દિપપ્રાગટય શ્રી ગાયત્રી શકિત્તપીઠ પરિવાર ટ્રસ્‍ટના મેનેજીંગ ટ્રસ્‍ટી બાબુભાઈ વી. રાજયગુરૂ, ટ્રસ્‍ટી જે. વી. આચાર્ય, હંસરાજભાઈ સાકરીયા, મંદિરના મહંત ચંદ્રેશભાઈ એસ. જોષી અને મેડીકલ કોલેજના તમામ તબીબી નિષ્‍ણાંતો દ્વારા કરવામાં આવ્‍યું હતું. કેમ્‍પમાં હૃદય રોગ, ડાયાબિટિસ, કાન-નાક-ગળાના રોગ, પગ અને કમ્‍મરના દુખાવા, માનસિક રોગ, વિગેરે રોગોના 1પ0 જેટલા દર્દીઓને સારવાર પુરી પાડવામાં આવેલ. આ ઉપરાંત જરૂરીયાત મંદના એકસ-રે, કાર્ડિયોગ્રામ, ઈ.સી.જી., લેબોરેટરી, વિગેરે તપાસ કરવામાં આવેલ અને તમામને  વિનામુલ્‍યે દવાઓ આપવામાં આવેલ. આ કેમ્‍પમાં ફિઝીશ્‍યન ડો. જી.જે. ગજેરા, જનરલ સર્જન ડો. આર.સી. બઢીયા, ઈ.એન.ટી. સર્જન ડો. રવિન્‍દ્ર કોલડીયા, માનસિક રોગના નિષ્‍ણાંત ડો. વિવેક જોષી, ડો. કે.બી. દેશાણી, ડો. એચ.કે. ગોંડલીયા, ડો. ડી.આર. ભરાડ અને મેડીકલ કોલેજની ટીમે સેવાઓ આપેલ. સિવિલ હોસ્‍પિટલ, અમરેલી ખાતે લોકભાગીદારીથી નવી મેડીકલ કોલેજની સ્‍થાપના માટે સંસ્‍થા દ્વારા હોસ્‍પિટલમાં સુધારા-વધારા સાથેનવીનિકરણની કામગીરી કરવામાં આવી રહેલ છે. જેથી આવનારા દિવસોમાં  સિવિલ હોસ્‍પિટલ, અમરેલી ખાતે ઉપલ્‍બધ થનાર નવી સુવિધાઓ વિશે લોકોને માર્ગદર્શન પુરૂ પાડવામાં આવેલ અને લોકોને સિવિલ હોસ્‍પિટલ, અમરેલી ખાતે સારવાર લેવા અનુરોધ કરવામાં આવેલ. કેમ્‍પમાં શ્રી ગાયત્રી શકિત્તપીઠના આગેવાન ગોવિંદભાઈ ગોંડલીયા, સવજીભાઈ આર. પટેલ, હસમુખભાઈ એલ. વ્‍યાસ, ઉમેશભાઈ એસ. પાઠક, જનકરાય જે. ઠાકર, ભીખાભાઈ એમ. ઠકરાર, શિવશંકરભાઈ દવે, ગોવિંદભાઈ એ. ગોસાઈ ઉપસ્‍થિત રહેલ. આ કેમ્‍પની સંપૂર્ણ વ્‍યવસ્‍થા ગાયત્રી પરિવાર ટ્રસ્‍ટ, શ્રી ગાયત્રી શકિત્તપીઠ દ્વારા કરવામાં આવેલ.