Main Menu

ધારીનાં તત્‍કાલીન મામલતદારે ખોટી માહિતી આપી

રાજયનાં માહિતી કમિશનરે ગંભીર નોંધ લેતા ચકચાર
ધારીનાં તત્‍કાલીન મામલતદારે ખોટી માહિતી આપી
માહિતી અધિકાર અધિનિયમની કલમ-ર0 મુજબ દંડનીય કાર્યવાહી કેમ ન કરવી ? તેનો ખુલાશો પુછાયો
અમરેલી, તા. 7
અમરેલી જિલ્‍લાનાં અનેક જાહેર માહિતી અધિકારીઓ ભભપેન માસ્‍ટરભભ બનીને માહિતી માંગનારને અધુરી અને અટપટી માહિતી આપીને હોંશિયારી દર્શાવી રહૃાા છે અને જો કોઈ તેની સામે લડત કરે તો બાદમાં જાહેર માહિતી અધિકારીની રાતની ઊંઘ પણ ઉડી જતી હોય છે. આવો જ એક કિસ્‍સો પ્રકાશમાં આવેલ છે.
સાવરકુંડલાનાં કમલેશ યાદવ નામનાં યુવકની ધારીનાં દલખાણીયા ગામે આવેલ વડિલો પાર્જિત જમીન તેમના કુટુંબી ભાઈઓએ નકલી દસ્‍તાવેજનાં આધારે પચાવી પાડી હોય આ યુવક છેલ્‍લા 3 વર્ષથી મહેસુલ વિભાગ સમક્ષ આજીજી કરી ન્‍યાય માંગી રહૃાો છે.
પરંતુ ધારીનાં તત્‍કાલીન મામલતદાર જે.સી. ગરાસીયા, સર્કલ ઓફિસર સી.બી. સોરઠીયા અને જીરા ગૃપનાં રેવન્‍યુ તલાટી આર.એમ. ધાંધલીયા સમક્ષ યુવકે માહિતી અધિકાર અધિનિયમ મુજબ જરૂરી માહિતી માંગતા ઉપરોકત ત્રણેય અધિકારીઓએ માહિતી અધુરી આપતાં તે યુવકે માહિતી કમિશનર સમક્ષ અપિલ કરી છે.
જે અંતર્ગત માહિતી કમિશનરે આદેશ કરેલ છે કે, જે તે વખતના તલાટી, સર્કલ ઓફિસર અને મામલતદારઆ બાબતમાં કસુરવાર છે તેમણે જાણી જોઈને સાચી માહિતી આપી નથી તે પ્રથમ દ્રષ્‍ટિએ જણાય છે અને તેને કારણે વિવાદીને તા. 3/પ/17નાં પત્રથી તત્‍કાલીન જાહેર માહિતી અધિકારી અને મામલતદાર ધારી ઘ્‍વારા ખોટી માહિતી વિવાદીને આપવામાં આવેલ હતી. આ સંજોગોમાં આયોગ નીચે મુજબનો બીજો વચગાળાનો હુકમ કરે છે.
વધુમાં જણાવેલ છે કે, જાહેર માહિતી અધિકારી ઘ્‍વારા વિવાદીની તા. 1/ર/16ની નમૂના ભકભની અરજીમાં મુદા નં. 1માં નોંધ નં. ર411માં તકરારી વાંધાની વિગતો છૂપાવવા માટે તેમજ તા. 3/પ/17નાં જાહેર માહિતી અધિકારી અને મામલતદાર, ધારીના માહિતી પુરી પાડતા પત્રમાં આ બાબત છુપાવીને માહિતી અધિકારી અધિનિયમની કલમ-ર0નો ભંગ કરવામાં આવેલ છે તેવું આયોગ પ્રથમ દ્રષ્‍ટિએ માને છે. તેથી આયોગ તત્‍કાલીન જાહેર માહિતી અધિકારી અને મામલતદાર ધારી કે જેઓ હાલ મામલતદાર થરાદ તરીકે ફરજ બજાવે છે તે જે.સી. ગરાસીયાને વિવાદીને માહિતી અધિકાર અધિનિયમની કલમ-ર0 હેઠળ ખોટી માહિતી પૂરી પાડવા બદલ તેમની વિરૂઘ્‍ધ દંડનીય કાર્યવાહી કેમ ન કરવી ? તેની સ્‍પષ્‍ટતા દિન-1પ માં કારણદર્શક નોટીસ આપે છે અને આગામી સુનાવણીમાં તેમને જાતે આયોગ સમક્ષ અચૂક હાજર રહેવા હુકમ કરે છે.
વધુમાં જણાવેલ છે કે, આયોગ, રેવન્‍યુ તલાટી,જીરા ગૃપ, આર.એમ. ધાંધલીયાને હુકમ કરે છે કે નોંધ નં. ર411માં તકરારી વાંધા અરજીની વિગતો છૂપાવવાથી વિવાદીને સાચી માહિતી મળી શકેલ નથી તેથી તેમને ડિમ્‍ડ જાહેર માહિતી અધિકારી ગણીને માહિતી અધિકાર અધિનિયમની કલમ-ર0 હેઠળ ખોટી માહિતી પૂરી પાડવા બદલ તેમની વિરૂઘ્‍ધ દંડનીય કાર્યવાહી કેમ ન કરવી ? તેની સ્‍પષ્‍ટતા દિન-1પમાં કરવી અને આગામી સુનાવણીમાં તેમણે જાતે આયોગ સમક્ષ અચૂક હાજર રહેવું.
વધુમાં જણાવેલ છે કે, આયોગ, સર્કલ ઓફિસર (રેવન્‍યુ)ઘ ધારી સી.બી. સોરઠીયાને હુકમ કરે છે કે, નોંધ નં. ર411માં વાંધા અરજી હોવા છતાં તેમણે ખોટી રીતે જાતે નોંધ નામંજૂર કરેલ છે અને વાંધા અરજીના રેકર્ડમાં ફેરફાર કરેલ છે અને તેને કારણે વિવાદીને સાચી માહિતી આપી શકાયેલ નથી. તેથી તેમને ડિમ્‍ડ જાહેર માહિતી અધિકારી ગણીને માહિતી અધિકાર અધિનિયમની કલમ-ર0 હેઠળ તેમની વિરૂઘ્‍ધ દંડનીય કાર્યવાહી કેમ ન કરવી ? તેની સ્‍પષ્‍ટતા દિન-1પમાં કરવી અને આગામી સુનાવણીમાં જાતે અચૂક હાજર રહેવું.