Main Menu

સોનારીયા સહિતનાં પાંચ ગામોને પાકવીમામાં અન્‍યાય

ખેડૂતોએ બેઠક કરીને પાકવીમો મંજુર કરવા માંગ કરી
સોનારીયા સહિતનાં પાંચ ગામોને પાકવીમામાં અન્‍યાય
મોટા-નાના ગોખરવાળા, ચાંદગઢ અને લાપાળીયાને પણ અન્‍યાય
ન્‍યાય નહી મળે તો રસ્‍તારોકો આંદોલન અને હાઈકોર્ટમાં જવાની તૈયારી
અમરેલી, તા. 7
તાજેતરમાં રાજય સરકારે ગત વર્ષનાં ખરીફ પાકવીમા માટે રૂપિયા ર18 કરોડ જેવી રકમ મંજુ્રર કરી છે. જેમાં રાજુલા તાલુકાનાં એકપણ ખેડૂતને પાકવીમાની રકમ મંજુર નથી. તેવા જ સમયે અમરેલી તાલુકાનાં સોનારીયા, નાના-મોટા ગોખરવાળા, ચાંદગઢ અને લાપાળીયાનાં ખેડૂતોને ફુટી કોડી પણ ન આપવામાં ખેડૂતોમાં રોષ  ફેલાયો છે.
આજે ખેડૂતોનીબેઠક યોજાઈ હતી જેમાં જો રાજય સરકાર અને વીમા કંપની ઉપરોકત પાંચ ગામોનાં ખેડૂતોને પાકવીમાની રકમ નહી આપે તો આગામી દિવસોમાં રસ્‍તા રોકો આંદોલન અને હાઈકોર્ટમાં જવાની તૈયારી પણ ખેડૂત ઘ્‍વારા કરવામાં આવી છે.