Main Menu

અંતે કુંકાવાવમાં ભુગર્ભ ગટરની સફાઈ શરૂ

હજારો નિરાશા વચ્‍ચે ગામજનોમાં આશાનું કિરણ
અંતે કુંકાવાવમાં ભુગર્ભ ગટરની સફાઈ શરૂ
સ્‍થાનિક ગામ પંચાયતે ઉધાર-ઉછીના સાધનો વડે સફાઈકાર્ય શરૂ કરાવ્‍યું
કુંકાવાવ, તા. 7
કુંકાવાવમાં ભુગર્ભ ગટર હવે એક સમસ્‍યાબની રહી છે. ત્‍યારે તો કામચલાઉ સફાઈ અભિયાન ગ્રામ પંચાયત ઘ્‍વારા બહારથી મશીન મંગાવીને ચાલું કરવામાં આવ્‍યું છે. તે પણ આઠ દિવસ માંગ્‍યું મળ્‍યું છે જેથી શહેરની અનેક જગ્‍યાએ જામ થયેલી કુંડીઓની સફાઈ હાલમાં ગ્રામ પંચાયત ઘ્‍વારા કરવામાં આવી રહી છે. પણ આ સમસ્‍યા બાબતે સરકારમાં અનેકવાર આગેવાનો, સંસ્‍થાઓ, ગ્રામ પંચાયત ઘ્‍વારા લેખીત રજુઆત, આંદોલનો કરવા પડયા છે છતાં કોઈ ઉકેલ આજદિન સુધી આવેલ નથી. જયારે ત્રણ માસ પહેલા પ્રભારી મંત્રી આર.સી. ફળદુ ઘ્‍વારા સફાઈનાં સાધનો અને મશીનરી આપવાની જાહેરાત સરકાર ઘ્‍વારા કરવામાં આવેલ તેમા કુંકાવાવનો સમાવેસ હતો. પણ આ જાહેરાતને ત્રણ માસ જેવો સમય પસાર થવા છતાં હજુ કોઈ નકકર કાર્યવાહી થયેલ નથી તેવું જાણકારો જણાવી રહૃાા છે. ત્‍યારે શહેર આખા માટે માથાનો દુઃખાવો બનેલ આ ભુગર્ભ ગટર કોઈ કામમાં તો આવતી નથી માત્ર સમસ્‍યાઓ પેદા કરી રહી છે અને ગંદકીમાં વધારો કરીને લોકોનું આરોગ્‍ય બગાડી રહી છે. ત્‍યારે સુવિધા હવે સમસ્‍યા બનતા ગ્રામ પંચાયત ઘ્‍વારા કામ ચલાઉ સફાઈ અભિયાન હાથ ધરવામાં આવ્‍યું છે. પણ તેમાં કોઈ સમસ્‍યાનો હલ થાય તેવું લાગતું નથી. જેથી રાજય સરકાર પ્રજાના હિતમાં ભાજપ-કોંગ્રેસ ભુલીને ગટરનાં સાધનો તેમજ મશીન વહેલીતકે ફાળવે તેવી લોકોમાંગ કરી રહૃાા છે. ત્‍યારે હાલમાં સરપંચ સુભાષભાઈ ભગત, ગોપાલભાઈ  અંટાળા સહિત ગ્રામ પંચાયત દિવસ-રાત માગેલા સાધનોની મદદથી ગટરની ટાંકીઓ સાફ કરી રહી છે અને ગામમાં ગંદકીમાં થોડી રાહત થાય તેવું કામ કરીને લોકોની મુશ્‍કેલીનું નિવારણ કામ ચલાઉ અભિયાન હાથ ધર્યુ છે. ત્‍યારે ભુગર્ભ ગટરની સમસ્‍યામાંથી કુંકાવાવ શહેર કયારે મુકત થશે.