Main Menu

સાવરકુંડલા તાલુકા પંચાયતનાં એક કર્મચારીએ વેપાર શરૂકર્યો

પાઈપ, બ્‍લોક સહિતની સાધન સામગ્રી વેચવાનું શરૂ કર્યુ
સાવરકુંડલા તાલુકા પંચાયતનાં એક કર્મચારીએ વેપાર શરૂકર્યો
સરપંચ કે કોન્‍ટ્રાકટર માલ ન ખરીદે તો બિલ પાસ કરવામાં કરે છે ઠાગાઠૈયા
જિલ્‍લા વિકાસ અધિકારીએ આ કર્મચારીને વેપાર કરવા માટે ફરજમુકત કરવા જોઈએ તેવી માંગ
અમરેલી, તા. 3
આમ તો સરકારી કર્મચારીઓ અન્‍ય કોઈ વેપાર-ધંધા કરી શકતા નથી અને કરતાં હોય તો ઉચ્‍ચ અધિકારીને જાણ કરવી જોઈએ. પરંતુ હોંશિયાર કર્મચારીઓ પત્‍નિ, બાળકો કે અન્‍ય કોઈનાં નામે હોદાનો દુરૂપયોગ કરીને વેપાર શરૂ કરીને તેનો લાભ પણ મેળવતાં હોય તેવું ઘણી વખત બહાર આવતું હોય છે.
આવો જ એક કિસ્‍સો સાવરકુંડલા તાલુકા પંચાયતમાંથી પ્રકાશમાં આવેલ છે. જયાં એક મહત્‍વની એક શાખામાં વર્ષોથી ફરજ બજાવતાં એક કર્મચારીની બદલી અન્‍યત્ર થઈ ગઈ પરંતુ ધમપછાડા કરીને તે કર્મચારી પુનઃ તેના ટેબલે પરત આવી ગયા છે.
આ વિવાદાસ્‍પદ બનેલ કર્મચારી ગ્રામ્‍ય વિસ્‍તારમાં ચાલતા વિકાસ કાર્યો માટે જરૂરી પાઈપલાઈન, બ્‍લોક સહિતની ચીજવસ્‍તુઓ તેમની દુકાનેથી ખરીદવાનો દુરાગ્રહ રાખી રહૃાાં છે અને કોઈ સરપંચ કે કોન્‍ટ્રાકટર માલ સામાન ના ખરીદે તો આ કર્મચારી તેમનું બિલ પાસ કરવામાં ઠાગાઠૈયા કરતો હોવાનું ચર્ચાઈ રહૃાું છે.
આ પેધી ગયેલ કર્મચારીનાં ભયથી કોઈ સરપંચ કે કોન્‍ટ્રાકટર ઉચ્‍ચ અધિકારીને રજુઆત કરી શકતાં ન હોય જિલ્‍લા વિકાસ અધિકારીએ આકર્મચારીને નોકરી કરતાં વેપારમાં વધારે રસ હોવાથી તે કર્મચારીને વેપાર કરવા માટે તાલુકા પંચાયતમાંથી ફરજ મુકત કરવા જોઈએ તેવી માંગ સમગ્ર પંથકમાંથી ઉભી થવા પામી છે.