Main Menu

અમરેલી જિલ્‍લામાં ‘હાર્દિક પટેલ’નાં આંદોલનને લઈને તૈયારીઓ શરૂ

રપ ઓગષ્‍ટે પુનઃ પાટીદાર આંદોલન શરૂ થઈ રહૃાું હોય ધમધમાટ
અમરેલી જિલ્‍લામાં ‘હાર્દિક પટેલ’નાં આંદોલનને લઈને તૈયારીઓ શરૂ
અનામત તેમજ ખેડૂતોનાં દેવા માફીને લઈને પણ જાગૃતતા ઉભી કરાશે : નરેશ વીરાણી
અમરેલી, તા.3
પાટીદાર અનામત આંદોલનને આવતી રપ ઓગષ્‍ટના રોજ ત્રણ વર્ષ પુરા થશે. ત્‍યારે આ લડાઈહવે આવતી રપ તારીખથી આરપારની લડાઈ થવાના એંધાણ વર્તાઈ રહયા છે. કારણ કે આવતી રપ ઓગષ્‍ટના રોજ પાટીદાર નેતા હાર્દિક પટેલ અનામતના મુદે અને ખેડૂતોના દેવા માફીને લઈને આમરણ ઉપવાસ કરવા જઈ રહયા છે. ત્‍યારે પાટીદાર જિલ્‍લા તરીકેઓળખાતો અમરેલી જિલ્‍લામાં પણ મિટીંગોનો દોર ચાલુ થઈ ગયો છે. અને આગામી આ આરપારની લડાઈમાં જોડાવા માટે અમરેલી જિલ્‍લાની ચારેય દિશામાંથી પાટીદારો પોતપોતાના વિસ્‍તારોમાં સળવળાટ ચાલુ કરી રહયા છે. લાઠી તાલુકાના ભાલવાવમાંથી મનજીભાઈ વિરાણી, હસમુખભાઈ વિરાણી, બાલાભાઈ જસાણી, દામનગર શહેરમાંથી જેન્‍તીભાઈ નારોલા અને ભીમજીભાઈ વાવડીયા, બગસરામાંથી પારસભાઈ સોજીત્રા (કાકા), સાવરકુંડલામાંથી મહેશ છોડવડીયા, બાબરામાંથી સુનિલ ખોખરીયા અને શૈલેષ પટેલ, અમરેલીમાંથી કેતન કસવાળા, ખાંભામાંથી અશ્‍વિનભાઈ જેવા અસંખ્‍ય અગ્રણીઓ પોતપોતાની ફરજ સમજીને ફરી એક વખત અમરેલી જિલ્‍લાને ક્રાંતિમય બનાવવા માટે ગામડે ગામડે દોડવા લાગી ગયા છે. અને જાણે આઝાદીની ચળવળની લડાઈ હોય તેવું વાતાવરણ જામ્‍યું છે. હરકોઈના હૃદયમાં બસ એક જ વાત લડીશું તો જીતીશુંના સ્‍લોગન ઉપર બસ સરકાર સાથે બાથ ભીડવા અને જેલમાં જવાની તૈયારીના ભાગરૂપે પોતપોતાની ઝુંબેશ આગળ ધપાવી રહયા છે. પાટીદાર યુવા એવા હાર્દિક પટેલના આમરણ ઉપવાસ પહેલા અમદાવાદ ખાતે પ તારીખના રોજ મિટીંગનું આયોજન કર્યું છે. ત્‍યારે ગુજરાતના તમામ આંદોલનકારીઓ આ મિટીંગમાં ભાગ લેવા માટે આંદોલનકારીઓમાં થનગનાટ અને જુસ્‍સો જોવા મળી રહયો છે. આ જોમ અનેજુસ્‍સાનો રંગ આ વખતે કંઈક અલગ પ્રકારનો દેખાઈ આવે છે. જાણે સોશ્‍યલ મીડિયામાં હરકોઈ પોતાની વાત રજૂ કરે છે તેમાં બસ એક જ વાત ઉપર ભાર દઈ રહયા છે કે જાણે આ આખરી લડાઈ હોઈ તેમ ખેડૂત સમાજના પ્રમુખ નરેશ વીરાણીએ પણ પોતાની સોશ્‍યલ મીડિયા ઉપર લાઈવ થઈને ખેડૂતોના દેવા માફ કરવાના મુદે હાર્દિક પટેલને સમર્થન કરવા માટે જિલ્‍લાના તમામ ખેડૂતોને આહવાન કરેલ છે. અને રપ તારીખના રોજ ઉપવાસ કાર્યક્રમમાં જઈને નરેશ વીરાણી અને ખેડૂત સમાજની ટીમ હાર્દિક પટેલ સાથે આમરણ ઉપવાસ કરશે.