Main Menu

ધારી પંથકમાં ત્રણ દીપડાનાં  મોતની તપાસનો ધમધમાટ

મીડિયા જગતમાં અહેવાલ પ્રસિદ્ધ થયા બાદ
ધારી પંથકમાં ત્રણ દીપડાનાં  મોતની તપાસનો ધમધમાટ
ર શકમંદોની અટકાયત કરવામાં આવી
ધારી, તા.3
ધારી અમરેલી રોડ પર લીંબડીયાના નહેરા નજીક એક દીપડો, બે દીપડીના મારણમાં ઝેર ભેળવી મોતને ઘાટ ઉતારાયા હતા.જે મામલે વન તંત્રએ બે શખ્‍સોની શંકાના આધારે અટકાયત કરી પૂછપરછ હાથ ધરી છેપરંતુ હજુ કોઈ સતાવાર ધરપકડ કરવામાં આવી નથી.
આ અંગેની વિગત મુજબ ધારી અમરેલી રોડ પર આવેલ લીંબડીયાના નહેરા નજીક ગઈકાલે 1 દીપડો, ર દીપડીને શ્‍વાનના મૃતદેહમાં ઝેર નાખી તે આરોગતા એક બાદ એક મોતને ભેટયા હતા. જે મામલે વન વિભાગે આ જ વિસ્‍તારના બે શખ્‍સોને શંકાના આધારે અટકાયત કરી હતી. આ અંગે સરસીયા રેન્‍જના આર.એફ.ઓ. ઓડેદરાનો સંપર્ક કરતા તેમણે જણાવ્‍યું હતું કે બે શખ્‍સોની પૂછપરછ ચાલી રહી છે. સતાવાર કોઈ ધરપકડ કરવામાં આવી નથી. તપાસ ચાલુ છે તેમ જણાવ્‍યું હતું.