Main Menu

અમરેલીનાં જેસીંગપરામાં પતિ સાથે સામાન્‍ય બાબતે બોલાચાલી થતાં પતિએ કરી આત્‍મહત્‍યા

અમરેલી, તા.3
અમરેલીના જેસીંગપરા વિસ્‍તારમાં આવેલ રામપરા શેરી નં.-પમાં રહેતા અને મજુરી કામ કરી ગુજરાન ચલાવતા એક યુવાને પોતાની પત્‍નિને મજૂરી કામે નહીં જવા દેવા બાબતે પતિ-પત્‍નિ વચ્‍ચે થયેલ સામાન્‍ય બોલાચાલી બાદ યુવકને લાગી આવતા પોતાની મેળે આજે વહેલી સવારે ગળાફાંસો ખાઈ આપઘાત કરી લેતા ભારે અરેરાટી ફેલાય જવા  પામી છે.
આ બનાવમાંપ્રાપ્‍ત વિગતો અનુસાર અમરેલીના જેસીંગપરા વિસ્‍તારમાં આવેલ રામપરા શેરી નં-પમાં રહેતા અને મજૂરી કામ કરતા હીરેન ભગવાનદાસ ગોંડલીયા નામના 36 વર્ષીય યુવકને ગઈકાલે રાત્રે પોતાની પત્‍નિ જયાં મજૂરી કામે જતી હોય, ત્‍યાં તેણીને જવાની ના પાડતા પતિ-પત્‍નિ વચ્‍ચે સામાન્‍ય બોલાચાલી થયા બાદ રાત્રે સૂઈ ગયા બાદ મરણ જનાર હીરેન ભગવાનદાસ ગોંડલીયાએ પોતાના ઘરની ઓસરીમાં જઈ ગરમ પાળા વડે ઓસરીના ઠેલ સાથે દોરડુ બાંધી ગળાફાંસો ખાઈ લીધો હતો.
બાદમાં મૃતકના પત્‍નિ જાગી જતાં અને બહાર આવી તપાસ કરતા તેણીના પતિ નીચે પડેલા હોય, તાત્‍કાલિક પરિવારજનોને બોલાવી અત્રેના સરકારી દવાખાને ખસેડાતા ફરજ પરના તબીબે આ યુવકને મૃત જાહેર કર્યો હતો.