Main Menu

અરેરાટી : ધારીનાં વાઘવડી ગામનાં ખેડૂતે મગફળીનો પાક નિષ્‍ફળ જતાં આત્‍મહત્‍યા કરી લેતા શોકનો માહોલ

જગતાત ગણાતા ખેડૂતને પોતાનું પેટ ભરવું મુશ્‍કેલ બન્‍યું
અમરેલી, તા. 3
એક તરફ સરકાર ખેડૂતોનાં હિત માટે કરોડો રૂપિયાની સહાય આપવાની ગુલબાંગો ફેંકી રહી છે, તો બીજી તરફ ખેડૂતો પાક નિષ્‍ફળ જતાં આત્‍મહત્‍યા કરી રહૃાા હોય સરકારે કૃષિક્ષેત્ર અંગે વધારે ગંભીર બનવાની જરૂર છે.
ધારી તાલુકાનાં વાઘવડી ગામે રહેતાં અને ખેતિ કામ કરતાં        કાળુભાઈ રામજીભાઈ દાફડાએ ગત તા.1 ના રોજ સવારે પોતાનાં ખેતરમાં વાવેલ મગફળીનો પાક નિષ્‍ફળ જવાનાં કારણે ચિંતામાં આવી જઈ પોતાની   મેળે ઝેરી દવા પી લેતાં તેમને સારવાર માટે રાજકોટ દવાખાને ખસેડાયા હતા જયાં તેમનું સારવાર દરમીયાન મોત થયાનું ધારી પોલીસમાં જાહેર થવા પામેલ છે.