Main Menu

આલેલે : અમરેલીમાં ભાજપ સરકાર વિરૂઘ્‍ધ સુત્રોચ્‍ચારમાં ભાજપ અગ્રણી પણ જોડાતા ચકચાર

ભાજપ સરકારની કાર્યશૈલી સામે ભાજપનાં આગેવાન નારાજ
આલેલે : અમરેલીમાં ભાજપ સરકાર વિરૂઘ્‍ધ સુત્રોચ્‍ચારમાં ભાજપ અગ્રણી પણ જોડાતા ચકચાર
ટીંબી ભાજપનાં અગ્રણી મનુભાઈ વાજાએ કર્યા સુત્રોચ્‍ચાર
અમરેલી, તા. 3
અમરેલીમાં આજે જાફરાબાદ પંથકનાં કોળી સમાજનાં આગેવાનોએ વિવિધ પ્રશ્‍ને કલેકટર કચેરીમાં ભાજપ સરકાર વિરૂઘ્‍ધ સુત્રોચ્‍ચાર કર્યા હતા. જેમાં જાફરાબાદ તાલુકા પંચાયતનાં ભાજપનાં સદસ્‍ય મનુભાઈ વાજાએ પણ સહયોગ આપતાં ભારે ચકચાર મચી ગઈ છે.
વિગત એવા પ્રકારની છે કે, ભાડા ગામનાં નિર્દોષ યુવકને સ્‍થાનિક પોલીસે ઢોર માર્યાનાં આક્ષેપ સાથે     કોળી સમાજનાં આગેવાનોએ રેલી સ્‍વરૂપે કલેકટર અને એસપીને તટસ્‍થતપાસ કરવા આવેદનપત્ર પાઠવ્‍યું હતું અને ભાજપ સરકાર વિરૂઘ્‍ધ સુત્રોચ્‍ચાર કર્યા હતા.
આ તકે જાફરાબાદ તાલુકા પંચાયતનાં ભાજપી સદસ્‍ય મનુભાઈ વાજા પણ સુત્રોચ્‍ચાર કરતાં નજરે ચડતાં ભારે આશ્ચર્ય ફેલાયું હતું. આ દ્રશ્‍યથી કોંગી આગેવાનો ટીપ્‍પણી કરવા લાગ્‍યા છે કે જો ભાજપ સરકારથી તેમના જ પક્ષનાં આગેવાનો નારાજ છે.