Main Menu

જસવંતગઢમાં કૌભાંડ કરનાર વિરૂઘ્‍ધ એસપીને ફરિયાદ

બાબુભાઈ માંગરોળીયાએ ર વ્‍યકિત વિરૂઘ્‍ધ નામજોગ કરી ફરિયાદ
જસવંતગઢમાં કૌભાંડ કરનાર વિરૂઘ્‍ધ એસપીને ફરિયાદ
કૌભાંડમાં ગામનાં સરપંચ સામે આક્ષેપ કરવામાં આવતાં ચકચાર મચી
અમરેલી, તા. ર
અમરેલી નજીક આવેલ જસવંતગઢ ગામનાં સરપંચ સહિત ર વ્‍યકિતઓએ રૂપિયા પાંચ લાખ જેવી રકમની ઉચાપત કર્યાની ફરિયાદ જાગૃત્ત નાગરિકે એસપી સમક્ષ કરતાં ચકચાર મચી ગઈ છે.
જાગૃત્ત નાગરિક બાબુભાઈ માંગરોળીયાએ અશોકભાઈ માંગરોળીયા અને લક્ષ્મણભાઈ સોરઠીયાનાં નામજોગ કરેલ ફરિયાદમાં જણાવેલ છે કે, જસવંતગઢ મુકામે વોડાફોન કંપનીનો મોબાઈલ ટાવર આવેલ છે. આ ટાવરનાં ઈસ્‍ટોલેશન ટેક્ષની રકમનો ચેક રૂા. 4,9પ,000નો આરોપી નં. 1 નાએ ગ્રામ પંચાયત કચેરી ટીંબા જસવંતગઢના નામનો બારોબાર મેળવી લઈ અને આ કામના આરોપી નં. 1 અને ર નાઓએ અમરેલી ખાતે એચડીએફસી બેંકમાં ગ્રામ પંચાયતના કોઈ પણ જાતના ઠરાવ વગર ટીંબા જસવંતગઢ ગ્રામ પંચાયતના નામે એચડીએફસી બેંકમાં ખાતા નં. પ0100રર9ર06પ41નું ડમી ખાતુ ખોલાવી અને જસવંતગઢ ગ્રામ પંચાયતનો આ ચેક બેંકમાં રજુ કરી આરોપીઓએ આ રકમ ઉપાડી લીધેલ છે. ખરેખર પહેલેથી જ ટીંબા જસવંતગઢ ગ્રામ પંચાયતનું ખાતુ એસબીઆઈ ચિતલ શાખામાં ખાતા નં. 3પ61819909પ તેમજ બીજુ ખાતુ એસબીઆઈ ચિતલમાં ખાતા નં. 3પણ્‍118ર1પ871 નું આવેલ છે. આ હકીકત આરોપીઓ જાણતા હોવા છતાં ગ્રામ પંચાયતની ટાવરની ઈસ્‍ટોલેશન ટેક્ષની રકમનો ચેર રૂા. 4,9પ,000 નો ટીંબા ગ્રામ પંચાયતના નામનો મેળવીને એચડીએફસી બેંકમાં ગ્રામ પંચાયત કચેરીના કોઈપણ જાતના ઠરાવ વગર કે તાલુકા પંચાયત કે જીલ્‍લા પંચાયતની કોઈપણ જાતની મંજુરી વગર તેમજ તલાટી કમ મંત્રીને અંધારામાં રાખી બારોબાર ગ્રામ પંચાયત જસવંતગઢનું ખાતું ખોલાવી ટેક્ષની રકમનો ચેક રૂા. 4,9પ,000 નો બારોબાર વોડાફોન કંપની પાસેથી મેળવી લઈ તે ચેક એચડીએફસી બેંકમાં બોગસ ખાતુ ખોલાવી તેમાં રજુ કરી આરોપીઓએ પોતાના અંગત ઉપયોગમાં મેળવી લેવાના ઈરાદે આ રકમ ઉપાડી લીધેલ છે. અને તે રીતે આરોપીઓએ એક મિલાપી થઈ ટીંબા જસવંતગઢના તલાટી કમ મંત્રીને તેમજ ચૂંટાયેલા બોડીના સભ્‍યોને અંધારામાં રાખી ગ્રામ પંચાયતને નુકશાન કરવાનાં ઈરાદે તેઓએ ઉપરોકત કૃત્‍ય આચરેલ હોય અને આ અંગેની જાણ અમોને માહિતી અધિકાર નીચે તલાટીકમ મંત્રી પાસેથી માહિતી માંગતા તે માહિતીમાં પણ આવી કોઈ રકમ ગ્રામ પંચાયત દફતરે જમા થયેલ નથી અને અમોએ એચડીએફસી બેંકમાંથી આ બોગસ ખાતાની માહિતી મેળવતા આ ગ્રામ પંચાયતના નામની ચેકની રકમ આરોપીઓએ જુદા જુદા તેમના મળતીયાઓ અને સગા સબંધીના નામે ચેકથી ઉપાડી લીધેલ છે. આમ આરોપીઓ પ્રથમથી જ જાણતા હતા કે વોડાફોન કંપનીના મોબાઈલ ટાવરના ઈસ્‍ટોલેશન ટેક્ષની રકમ રૂા. 4,9પ,000 નો ચેક બારોબાર મેળવી લીધેલ છે. અને તે ચેક તેઓએ ગ્રામ પંચાયતના તલાટી કમ મંત્રીને સુપ્રત કરી ચિતલ મુકામે ગ્રામ પંચાયતનું ખાતું એસબીઆઈ ચિતલમાં આવેલ છે તેમાં જ જમા કરાવવાનો હતો અને રાષ્‍ટ્રીયકૃત બેંકમાં ચિતલ મુકામે બે ખાતા હોવા છતાં આ કામના આરોપીઓએ જસવંતગઢ ચિતલ ગ્રામ પંચાયતના નામનું અમરેલી મુકામે એચડીએફસી બેંકમાં ખાતુ ખોલાવી અને તે ખાતામાં ચેક નાખી અને રૂા. 4,9પ,000ની રકમની ઉચાપત કરેલ છે. અને આ રીતે આરોપીઓ બેંકમા બોગસ કાગળ રજુ કરી ગ્રામ પંચાયતના ઠરાવ વગર કે તાલુકા પંચાયત કે જીલ્‍લા પંચાયતની પરવાનગી લીધા વગર તેમજ જસવંતગઢ ગ્રામ પંચાયતના તલાટી કમ મંત્રીની સહી પણ બેંકમાં ફરજીયાત હોવા છતાં તેને પણ અંધારામાં રાખી ખાનગી બેંકમાં બોગસ ખાતું ખોલાવી તેમાં ગ્રામ પંચાયતનાનામનો ચેક જમા કરાવી તે રકમ આરોપીઓએ તેમના મળતીયા તેમજ સગા-સબંધીના નામે ઉપાડી લઈ ઈન્‍ડીયન પીન કોડની કલમ 406, 4ર0, 409, 467, 468, 471 તથા 114 અન્‍વયે ગંભીર પ્રકારના ગુન્‍હાનું આચરણ કરેલ હોય આરોપીઓ સામે કાર્યવાહી કરવા માંગ કરેલ છે.