Main Menu

બાબરામાં વડલીવાળી મેલડી માતાજીનાં મંદિરે કૃપા યુવક મંડળ દ્વારા વૃક્ષારોપણ

બાબરામાં આવેલ વડલીવાળી મેલડીમાતાજીનું મંદિર સમગ્ર પંથકની આસ્‍થા સમાન મંદિર છે. અહીં મોટી સંખ્‍યામાં લોકો માતાજીનો તાવો કરવા તેમજ નિયમીત દર્શન કરવા માટે આવે છે. ત્‍યારે મંદિરની શોભા વધે અને પર્યાવરણનું કલ્‍યાણ થાય તેવા શુભ આશય સાથે અહીં મંદિરમાં સેવા કાર્ય કરતા યુવક મંડળ દ્વારા 1પ1 જેટલા વિવિધ વૃક્ષોનું વૃક્ષારોપણકરવામાં આવ્‍યું હતું. બાબરામાં નિલવડા રોડ પર આવેલ વડલીવાળી મેલડી માતાજી મંદિરના વિશાલ જગ્‍યામાં વૃક્ષારોપણ કરવામાં આવ્‍યું હતું. જેમાં લીમડો, પીપળો, પીપર, વડલો, સહિત અન્‍ય ફળ ફુલના વૃક્ષો મળી કુલ 1પ0 જેટલા વૃક્ષનું રોપણ કરી જતન કરવાનો સંકલ્‍પ પણ આ ગૃપ દ્વારા કરવામાં આવ્‍યો હતો. માં કૃપા યુવક મંડળના પ્રમુખ જગદીશભાઈ વાવડીયાએ જણાવ્‍યું હતું કે આજે પર્યાવરણમાં ખુબજ પ્રદુષણ વધતું જાય છે. જેના કારણે લોકોને ગ્‍લોબલ વોમિંગનો સામનો કરવાની ફરજ પડી રહી છે. ઋતુચક્રનું સંતુલન ડામાડોળ બન્‍યું છે. ત્‍યારે લોકો વધુને વધુ વૃક્ષોનું વાવેતર કરે અને પર્યાવરણની રક્ષા કરે તે અતિ આવશ્‍યક છે. જેમાં જગદીશભાઈ વાવડીયા, અશોકભાઈ સાવલિયા, વિપુલભાઈ કરકર, વિનુભાઈ કરકર, રાજુભાઈ સાવલિયા, ભાવેશભાઈ કાસોદરિયા, અરવિંદભાઈ બાવળીયા, રમેશભાઈ માકાણી સહિતનાં સભ્‍યો દ્વારા વૃક્ષારોપણ કરી જતન કરવાનો સંકલ્‍પ પણ કરવામાં આવ્‍યો હતો.