Main Menu

ખાખબાઈનાં પ્રૌઢ ધાતરવડીનદીમાં તણાઈ જતાં શોધ-ખોળ શરૂ

રાજુલા, તા.ર1
રાજુલાથી ખાખબાઈ ગામે સાંજનાં સમયે ડેરીનું કામકાજ પુર્ણ કરી પરત ફરી રહેલા ભોજાભાઈ મેરૂભાઈ રાઠોડ (ઉ.વ.4પ) એ બે દિવસ પહેલા પડેલા ભારે વરસાદથી ધાતરવડી નદીમાં આવેલા ભારે પુરમાં ફસાઈ જતા તેમને શોધવા તેમના પરિવારે તંત્રને જાણ કરતા નાયબ કલેકટર ડાભીએ જિલ્‍લામાંથી એનડીઆરએફની ટીમને બોલાવી હતી. આ ટીમે અને ખાખબાઈ ગામનાં તરવૈયાઓએ ગત દિવસે આખો દિવસ આ નદીના વ્‍હેણમાં દુર સુધી તપાસ કરી હતી. પરંતુ કશો અતોપતો આ લખાય છે. ત્‍યાં સુધીમાં મળેલ નથી. આજે રાજુલાનાં નાયબ કલેકટર, મામલતદાર, તાલુકા વિકાસ અધિકારી, ખાખબાઈ ગામનાં તરવૈયાઓને સાથે લઈ નદીકાંઠે આવેલા વડ, ધારાનેસ ગામના નદી કાંઠે પાણીમાં ગરક થયેલા તે શોધવાની કામગીરી આજ સાંજ સુધી ચાલુ રાખી હતી. પરંતુ કશું મળ્‍યું નથી. તેનું આજે તાલુકા વિકાસ અધિકારી ત્રિવેદીએ જણાવ્‍યું હતું.