Main Menu

અમરેલી જિલ્‍લામાં રાજય સરકાર રૂપિયા પ00 કરોડ ફાળવે

ભારે વરસાદથી અનેક માર્ગો અને પુલો બિસ્‍માર બની ગયા હોય
અમરેલી જિલ્‍લામાં રાજય સરકાર રૂપિયા પ00 કરોડ ફાળવે
ગરીબો, શ્રમજીવીઓ અને ખેડૂતોને પણ વ્‍યાપક નુકશાન થતાં ચિંતાનો માહોલ ઉભો થયો
અમરેલી, તા. ર1
અમરેલી જિલ્‍લામાં તાજેતરમાં પડેલ ભારે વરસાદથી સેંકડો માર્ગો અને પુલો બિસ્‍માર બની જતાં વાહન વ્‍યવહારને ગંભીર અસર પહોંચી છે. તો ગરીબો, શ્રમજીવીઓ અને ખેડૂતો પણ મુશ્‍કેલીમાં મુકાય હોય રાજય સરકાર તાત્‍કાલીક રૂપિયા પ00 કરોડની આર્થિક મદદ કરે તેવી માંગ જિલ્‍લાભરમાંથી ઉભી થવા પામી છે.
રાજુલા-જાફરબાદ- ખાંભા અને સાવરકુંડલા પંથકમાં વધારે નુકશાની થઈ છે. અનેક માર્ગો અને પુલ બિસ્‍માર બની જતાં સામાન્‍ય જનજીવન અસ્‍તવ્‍યસ્‍ત બની ગયું છે. ગરીબો અને શ્રમજીવીઓનાં મકાનો પડી ગયા છે અને તેઓ બેરોજગાર બની ગયા છે. તો ખેતરોમાં પાણી ભરાતા બિયારણ બળી જતાં ભારે ચિંતાનો માહોલ જોવા મળી રહૃાો છે.
અમરેલી જિલ્‍લાનાં તમામ ધારાસભ્‍યો અને સાંસદ તેમજ મુખ્‍યમંત્રી વિજય રૂપાણી સાથે ફોટો સેશન કરવાની આદત ધરાવતાંસત્તાધારી પક્ષનાં આગેવાનોએ મુખ્‍યમંત્રી સમક્ષ જિલ્‍લા માટે રૂપિયા પ00 કરોડની માંગ કરવી જોઈએ.
અતિવૃષ્‍ટિનો ભોગ બનેલ પરિવારો કે વિસ્‍તારની મુલાકાત લઈને ગરીબો અને ખેડૂતોનાં હામી હોવાનો ઢોંગ કરવાને બદલે જરૂરી મદદ આપવામાં આવે તેવી માંગ ઉભી      થઈ છે.