Main Menu

આલેલે : દામનગર શહેરમાં કોઈ કારણ વગર પુલ બનાવવાનું શરૂ થતાં શહેરીજનોમાં આશ્ચર્ય

જેમાં ખર્ચ કરવાની જરૂર છે તેમાં રૂપિયા ફાળવતા નથી
આલેલે : દામનગર શહેરમાં કોઈ કારણ વગર પુલ બનાવવાનું શરૂ થતાં શહેરીજનોમાં આશ્ચર્ય
દામનગર, તા. ર0
દામનગર શહેરમાં આવેલ ર1 નાળા પુલની જગ્‍યાએ નવોપુલ બનાવવા માટે મંજુરી અપાવેલ. અગાઉ જે પુલ હતો તે કયાંયથી તૂટેલો ન હોવા છતાં લોકોનાં દિમાગમાં સારી છાપ ઉભી કરવા અને લુંટયા તેટલું લુંટવા રૂપિયા અધધ સાડા ત્રણ કરોડના ખર્ચે પુલ બનાવવા અધીરા બનેલા નેતા આગેવાનો લોકોએ કામ શરૂ કરાવ્‍યું. ચોમાસા પહેલાં કામ પુરૂ કરવાનું હોય તેમ છતાં હજુ ર1 નાળાનું કામ પૂર્ણ થયેલ નથી. જે ડાયવર્ઝન કાઢવામાં આવેલ છે તે પટ્ટમાં વરસાદને કારણે કાદવ કીચડથી વાહનચાલકો પરેશાન છે. તેમ છતાં ર વ્‍હીલરોની ગાડીઓ સ્‍લીપ થઈ જાય છે. અને કાદવ-કીચડમાં પડે છે. તો આ વાહન ચાલકોને કોઈ પણ જાતની ઈજા કે ભાંગતોડ થાય તો જવાબદાર કોણ ? દામનગરની પ્રજા પુછી રહી છે. જે પુલનું કામ કોન્‍ટ્રાકટરોએ રાખેલ છે, તેમના પેટમાં તો પાણીયે હલતુ નથી. દામનગરની પ્રજા ઉપર જુલમ ગુજારવામાં આવતો હોય તેવું ચર્ચાઈ રહૃાું છે. આમાં કોઈ તંત્ર પણ ઘ્‍યાન દેતું નથી. તે પણ જાણવા મળી રહૃાું છે. જેમ બને તેમ વહેલી તકે પુલ ચાલુ કરવા દામનગરની જનતાએ માંગ કરી છે. સાથે સાથે એમ પણ કહૃાું છે કે આ ડાયવર્ઝનમાંથી મુખ્‍યમંત્રીને ચલાવવા જોઈએ જેથી ખબર પડે કે અચ્‍છે દિન છે કે બુરે તેમ છતાં સ્‍થાનિક તંત્ર પણ ચુપ છે.