Main Menu

દામનગર શહેરમાં ગંદકીનાં માહોલથી શહેરીજનો પરેશાન

આ છે ભારત દેશનાં દામનગર શહેરનાં વિવિધ વિસ્‍તારો સ્‍થિર થયેલ ગંદકી, કાદવ, કીચડ અને રોગચાળો ફેલાવે તેવા માખી મચ્‍છરોથી ઉભરાયેલ મસમોટા ખાડાઓમાં ભરાયેલ પાણીથી શહેરીજનોમાં રોષ ઉભો થયો છે. દામનગરમાં ભલે એન.સી.પી. સત્તા પર હોય ભાજપ વાળા એમ કહેતા હોય ફોટો સેશન કરીને ગુજરાત જેવો વિકાસ કયાંય જોવા મળે નહિં. અમરેલી જીલ્‍લામાં એટલી હદે ભ્રષ્‍ટાચાર ખદબદી રહૃાો છે કે અધિકારીઓ માત્ર નામનાં જ છે ? લોકો ચૂંટાતા હોય છે પ્રજાનાં કામ કરવા પણ અહિંયા ઉધું ચિત્ર જોવા મળે છે. પ્રજાનું ભલે જે થવું હોય તે થાય માંડ સત્તા મળી છે. દામનગર શહેર સ્‍વચ્‍છની બદલે ગંદકીનગર બની ગયું છે. ભ્રષ્‍ટ લોકોનાં પાપે જયા નજર નાખો ત્‍યાં ગંદકી-ગંદકી.અહિંયા વિવિધ વિસ્‍તારોમાં સર્કલ, છભાડીયા રોડ, સહકારી મંડળી રોડ, નગરપાલીકા નજીક, ટેલીફોન એક્ષચેન્‍જ પાસે, શાળા નં.1 અને ર પાસે ગંદકી-ગંદકી છે. કાદવ કીચડનાં સામ્રાજયથી લોકો કહે છે હવે એન.સી.પી.નાં પાંચ વર્ષ પુરા થાય તો સારું.