Main Menu

બગસરાનાં નટવરનગરમાં બિસ્‍માર માર્ગોથી પરેશાની

ભુગર્ભ ગટર બનાવાયા બાદ માર્ગ બનાવવામાં ન આવતાં ભારે પરેશાની
અમરેલી, તા. 18
બગસરાનાં નટવરનગરનાં રહેવાસીઓએ ચીફ ઓફીસરને આવેદનપત્ર પાઠવીને બિસ્‍માર માર્ગોની મરામત શરૂ કરવા માંગ             કરી છે.
આવેદનપત્રમાં જણાવેલ છે કે, ભુગર્ભ ગટર કર્યા બાદ રોડ તોડી નાખવામાં આવેલ છે. તેમજ લાલપુલથી વીરાવાળાનાં ઘર સુધી રસ્‍તાનું દબાણ કરવામાં આવતા રસ્‍તો સાંકડો બનેલ છે જે પણ દબાણ દુર કરાવવાની જરૂર છે. તેમજ ચોમાસાનો સમય હોય રસ્‍તા ઉપર ખાડા પડી ગયેલ હોવાથી જીવજંતુ, મચ્‍છરનો ઉપદ્રવ થયેલ છે અને રોગચાળો ફાટી નીકળે તેવી દહેશત હોય. આ રસ્‍તે થઈ કોઈ પોતાનું વાહન ભાડે લઈ રીક્ષા ભાડે પણ મળતી ન હોય બિમાર વ્‍યકિતની હાલત ખરાબ થઈ જાય છે અને ડીલેવરીના કેસોમાં પણ બૈરાઓને હોસ્‍પીટલ લઈ જવાની મોટી સમસ્‍યા ઉભી થાય છે. સમસ્‍યાથી કંટાળી ગયેલ હોય અને અમારી સહનશકિતની હદ આવી ગયેલ હોય દિન-1પમાં કોઈ નિકાલ નહી આવે તો અમારે નાછુટકે ગાંધી ચિંઘ્‍યા માર્ગે બગસરા નગરપાલિકા સામે ભુખ હડતાલ કરવી પડશે. તેની સંપૂર્ણ જવાબદારી બગસરા નગરપાલિકાના અધિકારીની રહેશે તેમ અંતમાં જણાવેલ છે.