Main Menu

સિંહણ ર બચ્‍ચા સાથે પાણીથી બચવા ટેકરી પર ચડી

ખાંભા પંથકમાં અનરાધાર વરસાદથી પ્રાણીઓ પરેશાન
સિંહણ ર બચ્‍ચા સાથે પાણીથી બચવા ટેકરી પર ચડી
સામાન્‍ય માનવી તો કુદરતી આફતમાં સલામત સ્‍થળે જતાં રહે પણ પ્રાણીઓ શું કરે
જવલ્‍લે જ જોવા મળતો કિસ્‍સો કેમેરામાં કેદ થઈ ચુકયો છે
ખાંભા, તા. 16
અનરાધાર વરસાદ ખાબકે ત્‍યારે માનવી તો પોતાની જાતને સુરક્ષિત જગ્‍યાએ પહોંચાડી દે છે પરંતુ જંગલ વિસ્‍તારમાં વસતા પક્ષીઓ અને પ્રાણીઓ શું કરતા હશે ? આવો પ્રશ્‍ન સહુ કોઈનાં મનમાં ઉપસ્‍થિત થતો જ હોય. એ ગાંડી ગીરનાં રેવન્‍યુમાં વનરાજો વરસતા વરસાદમાં પુરના પાણીના પ્રવાહથી બચવા કેવી સલામત જગ્‍યા પસંદ કરી.
અમરેલી જીલ્‍લાનાં ખાંભા તાલુકામાં છેલ્‍લા ર4 કલાકથી ભારે વરસાદ પડી રહૃાો છે. આ વિસ્‍તારની તમામ નદીઓ અને નાળા બે કાંઠે વહી રહૃાા છે. ત્‍યારે આ વિસ્‍તારમાં વસતા સાવજો પોતાના પરિવાર સાથે કયાં રહેતા હશે ? આ દ્રશ્‍યો જુઓ જમીનથી લગભગ પ0 મીટર ઊંચા ટેકરા પર આ સિંહણ પોતાના બે બચ્‍ચા સાથે બેઠી છે.
એવું કહેવાય છે કે, ચોમાસાનીઋતુમાં સાવજો પોતાનું રહેઠાંણ ઊંચા ટેકરા પર બનાવી લેતા હોય છે પરંતુ આવા દ્રશ્‍યો જોવા દુર્લભ હોય છે. વરસતા વરસાદમાં ખાંભા ગીર અને બૃહદ ગીરના રેવન્‍યુંમાં વસતાં સિંહો પોતાના પરિવારની કેવી કાળજી લઈ રહૃાા છે તે ખાંભા તાલુકાના કોદીયા ગામની સીમના છે. લાખાભાઈ વાળા નામના ખેડૂતની વાડીમાં આ સિંહણ પોતાના બે બચ્‍ચા સાથે સુરક્ષિત ટેકરા પર બેઠી છે. સિંહણ પોતાના બે પાઠડા સિંહબાળને લઈને કોદીયાની સીમમાં ઊંચા ટેકરા પર વરસાદી પાણીના પ્રવાહથી બચવા આવી હતી. વરસતા વરસાદમાં સિંહો પર નજર રાખીને અતિ દુર્લભ કહી શકાય તેવો અદભૂત નજારો કેમેરામાં કેદ થયો છે.