Main Menu

અરે વાહ : બગસરા પંથકમાં 1થી લઈને 7 ઈંચ વરસાદથી હર્ષોલ્‍લાસ

અમરેલી, તા.
બગસરામાં ગઈકાલે સવારનાદસ વાગ્‍યાથી શરૂ થયેલ હળવા-ભારે વરસાદ બાદ બપોરના ધીમી ધારે વરસાદ શરૂ થતા સાંજના 6 સુધીમાં 9ર મી.મી. વરસાદ નોંધાઈ ચૂકયો છે. હજુ પણ વરસાદ સતત વરસી રહયો છે. મુંજીયાસર ડેમ સાઈટ પર 119 મી.મી. વરસાદ નોંધાયેલ છે.
આ ભારે વરસાદથી નદી-નાળા છલકાઈ ગયા હતા. જયારે શહેરના નીચાણ વાળા વિસ્‍તાર જેવા કે કુંકાવાવ નાકા, શાકમાર્કેટ વિસ્‍તારમાં કેડ સમા પાણી ભરાતા વાહન વ્‍યવહારને અસર થઈ હતી.
બગસરા તાલુકાના ગ્રામ્‍ય વિસ્‍તાર મુંજીયાસર, રફાળા, સુડાવડ, પીપરીયા, સમઢીયાળા, શાપર, હળીયાદ, માણેકવાડા, માવજીંજવા, બાલાપુર સહિતના ગામડાઓમાં 4 થી 6 ઈંચ જેટલો અનરાધાર વરસાદ પડી જતા મુંજીયાસર ડેમમાં નવા નીરની આવક શરૂ થઈ છે. ભારે વરસાદથી શાપરની સુડાવડી નદી બે કાંઠે વહી રહી છે. સમયસરના સારા વરસાદથી જગતાતમાં ખુશીની લહેર વ્‍યાપી ગઈ છે. ભારે વરસાદથી નદી-નાળામાં ઘોડાપુર ઉમટી પડતા લોકો લ્‍હાવો લેવા ઉમટી પડયા હતા.