Main Menu

બાબરાનાં વેપારીઓએ બંધ રાખીને પાલિકા સામે રોષ વ્‍યકત કર્યો

તમામ ભ્રષ્‍ટાચારની તટસ્‍થ તપાસ નહી થાય તો આંદોલન ઉગ્ર બનાવવાની ચીમકી આપી
બાબરાનાં વેપારીઓએ બંધ રાખીને પાલિકા સામે રોષ વ્‍યકત કર્યો
વિપક્ષોને બદલે વેપારીઓએ પાલિકા સામે કર્યુ આંદોલન
અમરેલી, તા.
બાબરા નગરપાલિકા ઘ્‍વારા કથિત ભ્રષ્‍ટાચારના વિરોધમાં ચેમ્‍બર ઓફ કોમર્સનાં બાબરા બંધનાં એલાનને જબ્‍બરૂ સમર્થન મળતા શહેર સંપૂર્ણ બંધ રહૃાું હતું.
સવારથી જ શહેરની તમામ દુકાનો અને શોપિંગ સેન્‍ટરોનાં વેપારીઓએ સ્‍વયંભુ ધંધા-રોજગાર બંધ રાખી બંધના એલાનમાં જોડાયા હતા અને ઉગ્ર રોષ વ્‍યકત કર્યો હતો.
બાબરા ચેમ્‍બર ઓફ કોમર્સના પ્રમુખ મુનાભાઈ મલકાણ ઘ્‍વારા જણાવ્‍યું હતું કે, શહેરમાં નગરપાલિકા ઘ્‍વારા બજારોમાં    નબળા રોડ બનાવી ગેરરીતિ આચરવામાં આવી છે. જેની અનેકવાર રજુઆત કરવા છતાં તંત્ર ઘ્‍વારા યોગ્‍ય તપાસ કરવામાં આવતી નથી. જેથી વેપારીઓ ઘ્‍વારા એક દિવસ બંધ પાળી રોષ વ્‍યકત કરવામાં આવ્‍યો છે. જો આગામી દિવસોમાં હજુ પણ નબળા રોડની તપાસ તંત્ર ઘ્‍વારા કરવામાં નહિ આવે તો હજુ ઉગ્ર આંદોલનકરવાની ફરજ પડશે.
તો સામે નગરપાલિકાનાં પ્રમુખ ખીમજીભાઈ મારૂ અને ઉપપ્રમુખ વનરાજભાઈ વાળાએ ચેમ્‍બર ઓફ કોમર્સના ગેરરીતિનાં આક્ષેપોને પાયાવિહોણાના ગણાવી ચેમ્‍બરના પ્રમુખ વેપારીઓને ઉંધા ચશ્‍મા પહેરાવી રહૃાા હોય તેવું જણાવ્‍યું હતું.
તેઓએ વધુમાં જણાવ્‍યું હતું કે, જે રોડ નબળા બન્‍યા છે તેમાં જવાબદાર કોન્‍ટ્રાકટ વિરૂઘ્‍ધ કાર્યવાહી કરવામાં આવી છે અને નોટીસ પણ આપી છે. આ સિવાય અન્‍ય કામો નિયમ મુજબ કરવામાં આવી રહૃાા છે.
બાબરા બંધના એલાનનાં પગલે કોઈ બનાવ ન બને તે માટે બાબરા પોલીસ ઘ્‍વારા પુરતો બંદોબસ્‍ત જાળવ્‍યો હતો. શહેરની બજારોમાં પોલીસકર્મી તૈનાત કરવામાં આવ્‍યા હતા તેમજ ર પીએસઆઈ ઘ્‍વારા સતત રાઉન્‍ડ લગાવવામાં આવી રહૃાા હતા.
બાબરામાં વિવિધ વિકાસનાં કામોમાં નગરપાલિકા ઘ્‍વારા ભ્રષ્‍ટાચાર આચરવામાં આવતા ચેમ્‍બર ઓફ કોમર્સ ઘ્‍વારા આજે બંધનું એલાન આપવામાં આવ્‍યું હતું જેનું જબ્‍બરૂ સમર્થન મળ્‍યું હતું. શહેરના તમામ નાના-મોટા વેપારીઓ પોતાના ધંધા-રોજગાર બંધ રાખી નાગરિક બેન્‍ક ચોકમાં એકઠા થયા હતા અને અહીથી રેલી સ્‍વરૂપે મામલતદારને આવેદનપત્ર પાઠવી નબળા કામોની યોગ્‍ય તપાસ કરવાની માંગ કરવામાં આવી હતી.
અત્રે એ ઉલ્‍લેખનીય છે કે, પાલિકામાં રૂપિયા દોઢ કરોડનો ટેકસ ભરવાનોશહેરીજનોનો બાકી હોવાથી વિકાસ કાર્યોમાં વિક્ષેપ ઉભો થઈ રહૃાો હોવાનું શાસકો જણાવી રહૃાાં છે.