Main Menu

એપીએમ ટર્મિનલ્‍સ પિપાવાવે સીએસઆર પ્રોજેકટ અંતર્ગત રામપરા ચેક-ડેમનું ઉદ્યઘાટન કર્યું

પિપાવાવ, પોર્ટની આસપાસના સ્‍થાનિક ગ્રામજનોનું જીવન સુધારવાના સતત પ્રયાસના ભાગરૂપે એપીએમ ટર્મિનલ્‍સ પિપાવાવે ઇન્‍ટીગ્રેટેડ વોટર રિસોર્સિસ મેનેજમેન્‍ટ પ્રોજેક્‍ટ ‘પ્રવાહ અંતર્ગત ગુજરાતમાં રામપરા-ર ગામ ખાતે ચેક-ડેમનું બાંઘકામ અને તેનું ઉદઘાટન કર્યું હતું. રામપરા ચેક-ડેમને કારણે 300 એકર કૃષિ જમીનને પૂરતી સિંચાઇ મળવાથી રામપરા અને કોવાયા ગામડાંઓના નિવાસીઓને લાભ થશે અને તેને કારણે 7000 સભ્‍યો ધરાવતા 683 ઘરોને ચોખ્‍ખું પાણી મળશે, ઢોરઢાંખરને પાણી મળશે અને એકર દીઠ ઉત્‍પાદન વધશે. એપીએએમ ટર્મિનલ્‍સ પિપાવાવનાકોર્પોરેટ સોશિયલ રિસ્‍પોન્‍સિબિલિટી (સીએસઆર) પ્રોગ્રામના હિસ્‍સા ‘પ્રવાહથી અમરેલી જિલ્લાનાં રાજુલા બ્‍લોકના 33 ગામોના સ્‍થાનિક નિવાસીઓને લાભ થશે. આ પ્રસંગે અમરેલી જિલ્લાના રાજુલા બ્‍લોકના કમો અને પ્રાંત અધિકારી (નબક) કે એસ ડાભીએ જણાવ્‍યું હતું કે, પોતાની સીએસઆર પ્રવૃત્તિ, ખાસ કરીને વોટર મેનેજમેન્‍ટ દ્વારા એપીએમ ટર્મિનલ્‍સ પિપાવાવ નજીકનાં ગામડાંઓના લોકોનું જીવનધોરણ સુધારવા પ્રશંસનીય પ્રયાસ કરતી રહી છે. વોટર મેનેજમેન્‍ટ પ્રવૃત્તિની લાંબા ગાળાની અસરો હોય છે અને તેનાથી સમાજનો સામાજિક આર્થિક વિકાસ વધે છે. રામપુરા ચેક-ડેમ વોકવેને કારણે રામપરા અને કોવાયા ગામને લાભ થશે. તેનાથી ખેડૂતો વર્ષે બેથી ત્રણ પાક લઇ શકશે અને તેનાથી કુવાઓ પણ રીચાર્જ થશે.ઉદઘાટન સમારોહમાં હર્ષા મશેલકર, હેડ (એચઆર, સીએસઆર અને એડમિન), કેપ્‍ટન રવિન્‍દ્રનાથ પિલ્લારીસેટ્ટી, હેડ (પોર્ટ-ઇન્‍ફ્રા અને ડેવલપમેન્‍ટ) ઉપરાંત રામપરા, કોવાયા અને નજીકના ગામડાંઓના સભ્‍યો હાજર રહ્યા હતા. પ્રોજેક્‍ટ પ્રવાહમાં વ્‍યૂહાત્‍મક ભાગીદારીઓ દ્વારા તમામ હિસ્‍સેદારો સાથે મળીને સર્વગ્રાહી અભિગમ સામેલ છે. આ પ્રોજેક્‍ટમાં 10થી વધુ સંગઠનો, શાળાઓ, પ્રોજેક્‍ટની સાતત્‍યતા માટે લોકોની ભાગીદારી અને પ્રદાન અને ખેડૂતો, ગામડાં અને યુવાનોની ક્ષમતા નિર્માણ સાથેસંકળાયેલો છે. આ પ્રોજેક્‍ટ એક્‍સ્‍પોઝર વિઝિટ, ટ્રેનિંગ સેશન્‍સ અને એમક્રિશી સોફટવેર દ્વારા કામ કરે છે. તેનો હેતુ જમીનની ખારાશ તથા ઊંચા ટીડીએસ લેવલ સાથે ભૂગર્ભ જળના પ્રદૂષણની સમસ્‍યા ડામવાનો છે. ગુજરાતના કાંઠાળા પ્રદેશોમાં જમીનની ખારાશની સમસ્‍યા છે અને દરિયાને કારણે તેનું ધોવાણ થવાથી કુદરતી સંસાધનો ખાસ કરીને ભૂગર્ભ જળના સ્‍તર નીચે ગયા છે. આને પરિણામે, ખારા પાણીએ કૃષિના સામાન્‍ચ પ્રવાહનો ખોરવી નાખ્‍યો છે. ઊંચા ટીડીએસને કારણે પીવાના શુઘ્‍ધ પાણીની અછત ઊભી થઇ છે.