Main Menu

હદ થઈ : સાવરકુંડલામાં ગટરનાં ગંધાતા પાણી ઘરે પહોંચી રહૃાા છે

ભાજપ શાસિત પાલિકાની ગુનાહિત બેદરકારી સામે આવી
હદ થઈ : સાવરકુંડલામાં ગટરનાં ગંધાતા પાણી ઘરે પહોંચી રહૃાા છે
ગૃહિણીઓ ફરિયાદ કરે તો શાસકો કહે છે કે ફોલ્‍ટ તમે શોધી લાવો તો દુર કરીએ
આઝાદ ચોક વિસ્‍તારમાં ઘણા મહિનાઓથી પાણીની પાઈપલાઈનમાં ગંધાતા પાણી ભળી રહૃાા છે
સાવરકુંડલા, તા. 11
વડોદરામાં દુષિત પાણી વિતરણને કારણે બે બાળકો મોતને ભેટયા હોવાની ઘટના બાદ સાવરકુંડલા નગરપાલિકા ઘ્‍વારા થતું પીવાનું પાણી દુષિત આવી રહૃાું છે. પાલિકાના અમુક વિસ્‍તારોમાં ગટરના પાણી પીવાનાં પાણી સાથે ભળી જતાં ગંભીર દુર્ઘટના સર્જાઈ તેવી દહેશત ઉભી થઈ છે. મહી નદીનું આપવામાં આવતું પાણી ટાંકામાં સ્‍ટોરેજ કરીને લોકોના ઘર સુધી પહોંચતા એકદમ કાળુ ગટરનું પાણી આવી રહૃાું છે અને લોકોના આરોગ્‍ય માથે ગંભીર ખતરો ઉભો થયો છે.
નગરપાલિકા ઘ્‍વારા લોકોના ઘર સુધી નળ વડે પીવાના પાણીનું વિતરણ કરવામાં આવે છે પણ આ પાણી પીવાને લાયક જ નથી હોતું. પણ લોકો જાયે તોજાયે કહાની માફક આરોગ્‍યને અતિ ગંભીર નુકશાન થાય તેવું પાણી પીવા મજબુર હોય તેમ એક કલાકનાં પાણી વિતરણમાં અડધી કલાક સુધી નળમાંથી ગટરનું પાણી આવી રહૃાું છે જે લોકો ભરી રહૃાા છે. અડધી પોણી કલાક ગટરનું પાણી આવ્‍યા બાદ ચોખ્‍ખુ પાણી થાય છે પણ ત્‍યાં કલાકનો પાણી ભરવાનો ટાઈમ પૂર્ણ થઈ જતો હોવાથી ના છુટકે લોકોને આવું પીવાનું પાણી પાલિકા તંત્ર તરફથી મળી રહૃાું છે. જયારે આ પીવાના પાણી આપવાનો ટાઈમ પણ પાલિકા તંત્ર તરફથી ફિકસ નથી હોતો. કયારેક રાત્રીનાં દોઢ તો કયારેક રાત્રીના 3-4 વાગ્‍યે પાલિકા તંત્ર પીવાનું આવું દુષિત પાણી વિતરણ કરી રહી હોવાની વાસ્‍તવિકતા ચેક કરવા અમરેલી એકસપ્રેસની ટીમ વહેલી સવારે પ વાગ્‍યે સાવરકુંડલાના આઝાદ ચોક વિસ્‍તારના ગૃહિણીઓના ઘરે જઈને પીવાના દુષિત પાણી મામલે ખરાઈ કરી ત્‍યારે આંખો ચાર થઈ જાય તેવી કડવી વાસ્‍તવિકતા જોવા મળી હતી. વહેલી સવારે વાલ્‍મેન ઘ્‍વારા ગોંદરાચોકના પાણીના અતિ જર્જરીત ટાંકામાંથી પાણી છોડવામાં આવ્‍યું ત્‍યારે પ્રથમ તો ધીમે ધીમે નળમાંથી પીળા કલર જેવું પાણી જોવા મળ્‍યું બાદ આ પાણીએ કલરનો રંગ બદલ્‍યો ને કાળુમશ પાણી નળમાંથી આવી રહૃાું હતું. પીવાના પાણી સાથે ગટરનું પાણી ભળી જતું હોવાની અનેક રજુઆતો છેલ્‍લા એકાદ વર્ષથીગૃહિણીઓ પાલિકા તંત્રને કરી રહી છે પણ પાલિકા તંત્ર ધૃતરાષ્‍ટ્રની ભૂમિકા ભજવી રહૃાું હોવાનું ફલિત થઈ રહૃાું છે. આજે જ વહેલી સવારે પાલિકા તંત્રએ પાણી છોડયા બાદ જાત તપાસ માટે પાલિકાના વાલ્‍મેનને બોલાવીને આ દુષિત પાણી છે કે કેમ તે અંગે પણ ટીમે ખરાઈ કરાવીને પાલિકાના વાલમેને પાણી ચાખ્‍યું હતું. એક કલાકમાંથી અડધી પોણી કલાક આ રીતે ગટરનું ગંધાતું ગોબરૂ પાણી ના છુટકે આઝાદ ચોક વિસ્‍તારના લોકો પી રહૃાા છે અને પોતાના આરોગ્‍ય પર જોખમ લઈ રહૃાા હોવાની વાસ્‍તવિકતા જોવા મળી રહી છે.
ત્‍યારે આજ વિસ્‍તારની ગૃહિણીએ પીવાના પાણી અંગે જણાવ્‍યું હતું કે, પાલિકા તંત્રને અવારનવાર રજુઆતો કરવા છતાં પાલિકા તંત્રના અધિકારીઓ આ દુષિત પાણી નિવારણને બદલે ગૃહિણીઓને ગટરનું પાણી ન આવે તે માટે ફોલ્‍ટ ગૃહિણીઓને જાતે ગોતીને લાવો તો ગટરના પાણી ન આવે તેવો ઉડાઉ જવાબ છેલ્‍લા એકાદ વર્ષથી મળી રહૃાો છે. જેથી ના છુટકે આવું ગટરનું દુષિત પીવાનું પાણી પીવાની મજબુરી છે.
ત્‍યારે જયાંથી આ પીવાના પાણીનું વિતરણ થાય છે તે ગોંદરાચોક ખાતે આવેલા સાડા બાર લાખ લીટરના સંપે જઈને ટીમે ખરાઈ કરી ત્‍યારે ફરજ પરના મહી નદી પાણી વિતરણના ઈન્‍ચાર્જે જણાવ્‍યું હતું કે, સાવરકુંડલાના આઝાદચોક અને નેરડીવિસ્‍તારમાં ગટરનું પાણી પીવાના પાણી સાથે ભળી ગયું હોવાનો એકરાર ખુદ પાલિકા તંત્રના પાણી ઓપરેટરે જાત તપાસ કરીને સ્‍વીકાર્યુ છે. ત્‍યારે નીચાણવાળા વિસ્‍તારોમાં આવું ગટરનું દુષિત પાણી વિતરણ એકાદ વર્ષથી થઈ રહૃાું છતાં ભાજપ શાસિત પાલિકાનું નિંભર તંત્ર લોકોના આરોગ્‍ય સાથે રમત કરી રહૃાું છે અને વડોદરા જેવી જ ઘટના આગામી દિવસોમાં અમરેલી જિલ્‍લાના સાવરકુંડલામાં નિર્માણ પામે તેવી ગંભીર દહેશત જોવા મળી રહી છે.