Main Menu

માર્કેટયાર્ડમાં ખેતજણસોની આવક ઘટતા શ્રમજીવીઓ બેકાર

જગતાત ગણાતા ખેડૂતો ખેતીકાર્યમાં જોતરાયા હોવાથી
માર્કેટયાર્ડમાં ખેતજણસોની આવક ઘટતા શ્રમજીવીઓ બેકાર
ખેતજણસોની આવક વગર યાર્ડનાં વેપારીઓ અને દલાલો પણ વેકેશનનાં મૂડમાં
સા.કુંડલા યાર્ડમાં નિયમિત રૂપિયા 1 લાખની આવક સામે હાલમાં માત્ર રૂપિયા 1 હજાર આવક
અમરેલી, તા. 11
એકતરફ ખેડૂતોને પોષણક્ષમ ભાવો મળતા નથી ની હૈયાવરાળ ખેડૂતો ઠાલવી રહૃાા હતા ત્‍યારે હાલ અમરેલી જીલ્‍લાનાં માર્કેટિંગ યાર્ડોમાં ખેડૂતો ચોમાસાને કારણે ખેતજણસો લાવતા ન હોવાથી યાર્ડની શેષની આવકમાં જંગી ઘટાડો થયો છે. તો યાર્ડનાં મજુરો બેકારીના ભરડામાં સપડાઈ ગયા છે જયારે અમરેલી જીલ્‍લાનાં મોટાભાગનાં એ.પી.એમ.સી. ખેતજણસો અને ખેડૂત વિહોણા ખાલીખમ ભાસી રહૃાા છે.
હજુ થોડા દિવસો પહેલા જ આ એ.પી.એમ.સી.માં ખેત જણસોથી યાર્ડનાં શેડ ભરચક રહેતા હતા પણ હાલ ચોમાસાની સીઝન ચાલુ થઈ હોવાથી ખેડૂતો ખેતજણસો લઈને આવતા નથી આથી આખું એ.પી.એમ.સી. ખાલીખમ ભાસી રહૃાું છે કે જાણે મીની વેકેશન જોવા મળતું હોય તેમ એ.પી.એમ.સી.માં કાગડા ઉડી રહૃાા છે.
આજ એ.પી.એમ.સી.માં મજુરી કરીને જીવનનું ગુજરાન ચલાવતા મજુરોની હાલત વધુકફોડી બની છે. સાવરકુંડલાનાં એ.પી.એમ.સી.માં ર00 જેટલા મજુરો મજુરી કામ કરીને પોતાનો રોટલો રળી રહૃાા હતા પણ હાલ ખેડૂતો જ ખેત જણસો લઈને આવતા ન હોવાથી મજુરો બેકાર બન્‍યા છે અને જીવન નિર્વાહ માટે પરિવારનું ભરણપોષણ કરવું પણ મુશ્‍કેલ થયું હોવાની સ્‍થિતિ મજૂરોની થઈ છે.
એ.પી.એમ.સી.માં કોથળા ઉપાડતા મજુરોથી લઈને કોથળા શીવતા મજુરો હોય કે પ્રત્‍યક્ષ કે પરોક્ષ રીતે સંકળાયેલા મજુરો પગે અપંગ હોવા છતાં બે પૈસા કમાવવા માટે યાર્ડમાં પડેલા કોથળાઓ ફેરવીને બે પૈસા મળે તે માટે મહેનત કરી રહૃાા છે પણ મજુરીકામ મળતું નથી નો વસવસો અપંગ મજુરે વ્‍યકત કર્યો હતો.
છેલ્‍લા દસ બાર દિવસથી યાર્ડમાં ખેત જણસો ન આવતી હોવાથી મજુરો બેકાર બન્‍યા છે તો યાર્ડની મોટા ભાગની દુકાનો બંધ જોવા મળી રહી છે. ખેડૂતોની ખેત જણસો વિના મજુરો સાથે વેપારીઓએ પણ વેકેશન જેવા માહોલને કારણે 80% દુકાનો બંધ રહે છે.
એ.પી.એમ.સી.ની મોટાભાગની દુકનો ખેડૂતો વિના બંધ રહે છે. તો દર ચોમાસે એ.પી.એમ.સી.ની આવી જ હાલત હોવાનું યાર્ડના વાઈસ ચેરમેને જણાવ્‍યું હતું કે, અમરેલી જીલ્‍લામાં ખરીફ પાકોની મોસમ ખેડૂતો મગફળી, કપાસ, તલનું વાવેતર વધુ કરતા હોવાથી જુન જુલાઈ અને ઓગસ્‍ટ સુધી એ.પી.એમ.સી.ની આવકમાંધરખમ ઘટાડો થતું હોવાનું એ.પી.એમ.સી.ના વાઈસ ચેરમેન સ્‍વીકારી રહૃાા છે ત્‍યારે એ.પી.એમ.સી.ના સેક્રેટરી આર.વી.રાદડિયાએ જણાવ્‍યું હતું કે, સાવરકુંડલા એ.પી.એમ.સી.માં દરરોજ 1 લાખ જેવી શેષની આવક અને દોઢેક કરોડનું ટનઓવર ધરાવતી એ.પી.એમ.સી.માં હાલ 1 હજારથી 1પ00 રૂપિયા જેવી નજીવી રકમ શેષની આવતી હોવાનો સ્‍વીકાર સેક્રેટરી કરી રહૃાા છે. ત્‍યારે ખેત જણસો વિના એ.પી.એમ.સી. ખાલીખમ શેષની આવક ઓછી થઈ ગઈ છે તો મજુરો બેકારીના ખપ્‍પરમાં ધકેલાયા છે.