Main Menu

ભૈવાહ : જુની દીવાલ પર નવી દીવાલ બનાવી દેવાઈ

દેશનાં પ્રધાનમંત્રીની જેમ જ ભ્રષ્‍ટાચારીઓની પણ પ6 ઈંચની છાતી
ભૈવાહ : જુની દીવાલ પર નવી દીવાલ બનાવી દેવાઈ
અમરેલી, તા.
ધારી તાલુકાના ફતેગઢ (નવાગામ)માં બનતી સુરક્ષા દીવાલમાં રેતીના બદલે ધુળ વાપરી જુની દીવાલ પર નવી દીવાલ બનાવી દેવાતા ઉચ્‍ચ કક્ષાએ રજુઆત કરી તપાસ કરવા માંગ કરી છે. તેમજ અહિના જાગૃત્ત યુવાને તમામ પુરાવા ટીડીઓને આપ્‍યા છતાં કોઈ કાર્યવાહી ન થવાનો આક્ષેપ કરવામાં આવ્‍યો હતો.
આ અંગેની વિગતો મુજબ ધારીનાં ફતેગઢ ગામનાં પરેશભાઈ દવેએમુખ્‍યમંત્રી, કલેકટર, ડીડીઓ સહિતનાને રજુઆત કરી જણાવ્‍યું હતું કે, અહિ બનતી સુરક્ષા દીવાલમાં કોન્‍ટ્રાકટરે રેતીના બદલે ધુળ વાપરી જુની દીવાલ પર નવી દીવાલ ચણી લીધી છે. આ અંગે ટીડીઓને વિડીયોગ્રાફી સહિતના પુરાવાઓ આપ્‍યા છતાં કોઈ કાર્યવાહી કરવામાં ન આવતા તપાસ કરી કોન્‍ટ્રાકટર વિરૂઘ્‍ધ પગલા લેવા માંગ કરી હતી.
શું કહે છે ટીડીઓ : આ અંગે ધારી ટીડીઓ વેગડાનો સંપર્ક કરતા તેમણે જણાવ્‍યું હતું કે, ફરિયાદ મળતા સ્‍થળ તપાસ કરી હતી. જુની દીવાલ પર નવી દીવાલ બનાવી હોય તેનું બીલ મંજુર કરાશે નહિ નવી દીવાલ બનાવવા આદેશ આપેલ છે.
આ અંગે અરજદારનો સંપર્ક કરતાં તેમણે જણાવ્‍યું હતું કે, ટીડીઓને પુરાવા રૂપે વિડીયો મોકલ્‍યા બાદ તે તપાસ કરવા આવેલા અને થોડીવાર ઠપકો આપ્‍યા બાદ ચા-પાણી પીવા ગયા હતા અને ઠંડા પડી ગયા હતા. કોન્‍ટ્રાકટર સામે કાર્યવાહી કરી નથી.