Main Menu

ચલાલા શિવ બાલાશ્રમમાં રહેતા અનાથ બાળકો તથા વૃદ્ધાશ્રમમાં રહેતા વૃદ્ધોને કપડા અપાયા

ચલાલા ખાતે આવેલ શ્રી યુગ નિર્માણ ગાયત્રી પરિવાર ટ્રસ્‍ટ સંચાલિત ભશિવ બાલાશ્રમભમાં રહેતા મા-બાપ વિહોણા 19 અનાથ બાળકોને બબ્‍બે જોડી જીન્‍સ ટી-શર્ટ તથા વૃદ્ધાશ્રમમાં રહેતા વૃદ્ધોને કપડા સિવડાવી અપાયા. જેમાં સાવરકુંડલાના સુરત દોરડાના વેપારી મે. હરજીવનદાસ સવજીભાઈ પેઢીના શાંતિબાપા તથા તેમના ભાઈ દિલીપભાઈ તથા મહેશભાઈ દ્વારા તમામ બાળકોને જીન્‍સ, ટી-શર્ટ ર-ર જોડી લઈ આપેલ તથા વૃઘ્‍ધોને કપડા સિવડાવી આપેલ અને સાથે સાથે પોતાના ઘરે તમામ બાળકો અને બધા વૃઘ્‍ધોને ભોજન કરાવ્‍યું હતું. બધા બાળકો તથા વૃઘ્‍ધો ખૂબ ખુશ થયા હતા અને અંતરના આશિર્વાદ આપ્‍યા હતા. આવા ભગીરથ કાર્યમાં સહયોગ આપી શાંતિબાપાએ સમાજને એક નવી રાહ બતાવી છે. તે બદલ સંસ્‍થા વતી રતિદાદાએ શાંતિબાપાનો આભાર વ્‍યકત કર્યો હતો.


« (Previous News)