Main Menu

અમરેલીના લાયબ્રેરી માર્ગ પર કુખ્‍યાત શખ્‍સે રઘુવંશી વેપારી ઉપર જીવલેણ હુમલો કરતાંદોડધામ

વેપારીને ઈજાગ્રસ્‍ત હાલતમાં સિવિલ હોસ્‍પીટલમાં ખસેડાયા
અમરેલી, તા. 6
અમરેલીનાં કાશ્‍મીરા ચોક નજીક આવેલ જૈન મહાજન વાડી સામે ભર બજારમાં દુકાન ધરાવતાં એક રઘુંવંશી વેપારીને ગઈકાલે સાંજના સમયે અગાઉનાં મનદુઃખનાં કારણે નામચીન શખ્‍સે છરી જેવા હથીયાર વડે આડુધડ મારી મારી હુમલો કરી ઈજાગ્રસ્‍ત કરી દેતાં ઘવાયેલ વેપારીને સારવાર માટે દવાખાને ખસેડવામાં આવતાં શહેરનાં વેપારી અગ્રણીઓ પણ દવાખાને ધસી ગયા હતા. આ બનાવ અંગે સીટી પી.આઈ. દેસાઈ તથા સ્‍ટાફ ફરિયાદલેવા દવાખાને દોડી ગયા હતા.જયારં વેપારીએ પોતાના ઉપર થયેલ હુમલાની ફરીયાદ નોંધાવી હતી.
આ બનાવમાં મળતી વિગત મુજબ અમરેલીમાં ભર બજારમાં જૈન મહાજન વાડી સામે આવેલ જલારામ નોવેલ્‍ટી નામની દુકાન ધરાવતાં હર્ષદભાઈ શાંતિલાલ કારીયા નામનાં 6ર વર્ષિય વેપારી ગઈકાલે સાંજના સમયે પોતાની દુકાને હતા ત્‍યારે અમરેલીનાં નામચીન શખ્‍સ ભરત હુદડ નામનાં શખ્‍સે અગાઉનાં મનદુઃખમાં થયેલ ખર્ચની રકમ માંગતા આ વેપારીએ પૈસા આપવાની ના પાડતાં આ નામચીન શખ્‍સે પોતાની પાસે રહેલ ધારદાર છરી જેવા હથીયારથી આડે ઘા કરી જીવલેણ હુમલો કરી દેતાં આ વેપારી ગંભીર રીતે ઘાયલ થતાં નિચે પડી ગયા હતા.
આ અંગે શહેરનાંવેપારીઅગ્રણીઓને જાણ થતાં તેમને અત્રેના સરકારી દવાખાને ખસેડવામાં આવેલ હતા. અને વેપારી આલમમાં આ બનાવને લઈ ઘેરા પ્રત્‍યાઘાત પડતા સીટી પોલીસે વેપારીની ફરિયાદ નોંધી આગળની કાર્યવાહી હાથ ધરી છે.


(Next News) »