Main Menu

આગામી દિવસોમાં દવાઓનાં ભાવમાં તોતીંગ વધારો થશે : ધારાસભ્‍ય વિરજી ઠુંમર

ચીનમાં એકપછી એક લાખો ફાર્માસ્‍યુટીકલ ફેકટરીઓ બંધ થતાં
આગામી દિવસોમાં દવાઓનાં ભાવમાં તોતીંગ વધારો થશે : ધારાસભ્‍ય વિરજી ઠુંમર
ગરીબ અને મઘ્‍યવર્ગીય પરિવારોનાં દર્દીઓ માટે મુશ્‍કેલીનાં દિવસો આવી રહૃાાનાં સંકેત
અમરેલી, તા. 6
ધારાસભ્‍ય વિરજીભાઇ ઠુંમરે આજરોજ અત્રે એક નિવેદનમાં જણાવ્‍યું હતુ કે, પર્યાવરણ સંબંધી સમસ્‍યાઓના કારણે ચીનમાં એક પછી એક લાખો ફાર્માસ્‍યુટીકલફેકટરીઓ બંધ થઈ ચુકી છે તેની ગંભીર અસર આગામી દિવસોમાં ભારતીય ફાર્માસ્‍યુટીકલ ઉદ્યોગ ઉપર પડયા વગર રહેશે નહીં અને તેથી દેશમાં હાલ રોજગારીની જે ગંભીર સમસ્‍યા પ્રવર્તી રહેલ છે તે વધુ ગંભીર બનશે તેમાં શંકાને કોઇ સ્‍થાન નથી.
વધુમાં જણાવ્‍યું છે કે, વર્ષ ર014માં લોકસભાની ચૂંટણી દરમિયાન દેશના કરોડો યુવાનોને રોજગારીના સોનેરી સપનાઓ દેખાડનાર મોદીજી દેશમાં નવી રોજગારીની નવી તકોનું સર્જન કરવામાં તદ્ર નિષ્‍ફળ નિવડયા છે. એટલુ જ નહીં મોદીજીએ તેના ચાર વર્ષના શાસનમાં આર્થિક સુધારાઓના નામે નોટબંધીનું મુર્ખામીભર્યું પગલું ભર્યુ અને ત્‍યારબાદ જીએસટીનું ઉતાવળીયું પગલું ભરીને દેશના મેન્‍યુફેકચરીંગ ક્ષેત્રને જે મરણતોલ ફટકા માર્યા છે તેના કારણે દેશની નાના અને મઘ્‍યમ કદની સંખ્‍યાબંધ ફેકટરીઓ બંધ પડતાં દેશના લાખો યુવાનોના હાથમાંથી રોજગારી છીનવી લેવાનું મોદીજીએ જે મહાપાપ કર્યું છે તેને આ દેશના યુવાનો કયારેય નહીં ભુલે.
વધુમાં જણાવ્‍યું છે કે, ફાર્માસ્‍યુટીકલ સેકટરના જાણકાર લોકોના જણાવ્‍યા મુજબ ચીનમાં ફાર્માસ્‍યુટીકલ ફેકટરીઓ બંધ થવાથી ભારતમાં દવાઓની આપુર્તિ ઉપર તેની ઘણી મોટી અસર પડશે અને તેના કારણે દવાઓની કિંમતોમાં વધારો થઈ શકે છે. જે ગરીબ અને મભ્‍યમવર્ગના દર્દીઓની અનેતેમના પરિવારની કમ્‍મર તોડી નાંખશે.
વધુમાં એમ પણ જણાવ્‍યું કે, ભારતીય ફાર્માસ્‍યુટીકલ કંપનીઓ દવાઓ બનાવવા માટે 8પ ટકા એકિટવ ફાર્માસ્‍યુટીકલ ઇન્‍ગ્રેડિયન્‍ટસની આયાત ચીનમાંથી કરે છે. તે જોતાં આગામી દિવસોમાં ચીન ઉપર નિર્ભર ભારતીય ફાર્માસ્‍યુટીકલ કંપનીઓએ ઘણાં જ વિપરીત સંજોગોનો સામનો કરવો પડે એવી પરિસ્‍થિતિનું નિર્માણ થાય તે પહેલા મોદી સરકારે ભારતીય ફાર્માસ્‍યુટીકલ ઉદ્યોગનું રક્ષણ કરવા આવશ્‍યક તમામ પગલાંઓ ભરવાની જરૂર છે. પરંતુ મને લાગે છે કે વિકટ સમય પસાર કરવામાં માનતી મોદી સરકારને પોતાની સત્તા ટકાવી રાખવામાં જેટલો રસ છે તેટલો રસ દેશના હિતોનું રક્ષણ કરવામાં કે દેશના ફાર્માસ્‍યુટીકલ ઉદ્યોગને રક્ષણ પુરૂ પાડવામાં રસ હોય તેમ જણાતું નથી.
વધુમાં જણાવ્‍યું છે કે, છેલ્‍લા એક વર્ષમાં એન્‍ટી ડાયાબીટીક, કાર્ડોવસ્‍કુલર, સેન્‍ટ્રલ નર્વસ સિસ્‍ટમ, વિટામીન્‍સ અને એન્‍ટીબાયોટીકસ સહિત મોટાભાગની દવાઓ બનાવવામાં વપરાતો કાચો માલ મોંઘો થઈ ગયો છે અને સૌથી વધારે ભાવ વધારો કેન્‍સર સંબંધી દવાઓમાં થયો છે. કેન્‍સરની દવાઓ માટે મહત્‍વની એપીઆઈ, પ – ફલુરોસાઇટોસિન અને એચએમડીએસમાં ક્રમશઃ 60 અને 484 ટકા જેટલો તોતિંગ વધારો થઈ ચુકયો છે અને હજુ કેટલો વધારો થશે તે કોઇ કહી શકે તેમ નથી.
અંતમાંજણાવ્‍યું છે કે, દિવસેને દિવસે દેશનું અર્થતંત્ર જે રીતે ખરાબ થતું જાય છે તે જોતાં દેશની પ્રજાને જીવન જરૂરીયાતની ચીજવસ્‍તુઓનો ભાવ વધારો હોય કે જીવન રક્ષક દવાઓનો ભાવ વધારો હોય તે સહન કર્યે જ છુટકો છે.