Main Menu

આલે લે : જાફરાબાદના ગામડાદીઠ એટીવીટી યોજનામાં માત્ર રૂપિયા પ0 હજારની ફાળવણી

અમરેલી, તા. 6
આજે સમગ્ર ગુજરાતમાં વિકાસના ગાણા ગવાઈ રહયા છે. તેવા જ સમયે અમરેલી જિલ્‍લાના દરિયાકાંઠે આવેલ જાફરાબાદના ગ્રામ્‍ય વિસ્‍તારમાં ગામદીઠ માત્ર રૂપિયા પ0 હજાર જેવી મામૂલી રકમ એટીવીટી યોજના તળેફાળવવામાં આવતા ગ્રામ્‍ય વિસ્‍તારની જનતામાં નારાજગીનો માહોલ જોવા મળી રહયો છે.
આ અંગે બાંધકામ સમિતિના ચેરમેન ટીકુભાઈ વરૂએ કલેકટરને પત્ર પાઠવેલ છે. પત્રમાં જણાવેલ છે કે, જાફરાબાદ તાલુકાના તા.3/7ના રોજ એ.ટી.વી.ટી.ની ગ્રાંટ ફાળવવામાં મિટીંગ મળી. જેમાં જાફરાબાદ તાલુકાના ગામડાને અન્‍યાય થયેલ તેવી સરપંચની રજૂઆત અમારા ઘ્‍યાને આવેલ છે.
તો અમુક ગામના માત્ર રૂા. પ0 હજાર જેવી નજીવી રકમ ફાળવી ગામડાની મજાક ઉડાવવામાં આવેલ છે. અને આ મિટીંગમાં પ્રાંત કલેકટરની ગેરહાજરી મળી છે. તો તાકીદે સુચના આપી ગામડાને અન્‍યાય ન થાય તેવી રીતે ગ્રાંટ ફાળવવાની વ્‍યવસ્‍થા કરવા અંતમાં માંગ કરેલ છે.