Main Menu

ફફડાટ : જુના સાવરમાં સિંહોએ 3 ગાયનું મારણ કરતાં ભયનો માહોલ

અમરેલી, તા. 6
સાવરકુંડલાના જુના સાવર ગામે મોડી રાત્રીના સમયે સિંહે 3 ગાયોના મારણ કરતા જુના સાવર ગામમાં ફફડાટ વ્‍યાપી જવા પામેલ હતો.
સાવરકુંડલા તાલુકા પંચાયતના પૂર્વ પ્રમુખ મંગળાબેન દાવરાના પતિ મનુભાઈ દાવરાએ જણાવેલ હતું કે રાત્રીના દોઢથી બે વાગ્‍યાના મોડી રાત્રે સિંહ જુના સાવર ગામમાં આવ્‍યા અને 3 ગાયોના મારણ કરેલ છે. તેથી નાના એવા ગામમાં ફફડાટ વ્‍યાપી જવા પામેલ હતો. ગરીબ ખેડૂતના માલઢોરના રક્ષણ માટે વન વિભાગે યોગ્‍ય કરવું જોઈએ તેમ અંતમાં મનુભાઈ દાવરાએ જણાવેલ હતું.