Main Menu

દરિયાકાંઠેથી રેતીની ભરપુર ચોરી થતાં આશ્ચર્ય

જાફરાબાદનાં ધારાબંદર ગામમાં ખનીજ માફીયાઓ બેખૌફ
દરિયાકાંઠેથી રેતીની ભરપુર ચોરી થતાં આશ્ચર્ય
નદીને કોરી ધાખડ બનાવીને હવે ખનીજ માફીયાઓ દરિયો ઉલેચવા નીકળી પડયા છે
અમરેલી, તા. 6
અમરેલી પંથકમાંથી પસાર થતી શેત્રુંજી નદીમાંથી લાખો ટન રેતીની ચોરી કરીને નદીને કોરી ધાખડ બનાવનાર ખનીજ માફીયાઓ હવે દરિયો ઉલેચવા નીકળી પડયા છે.
અમરેલી જિલ્‍લાનાં જાફરાબાદ તાલુકાનાં ધારાબંદર ગામે દરિયાકાંઠેથી ખનીજ માફીયાઓ વિના રોકટોક કોઈપણ વહીવટી મંજુરી વગર નિયમિત 40થી પ0 ટન રેતીની ચોરી કરીને દિવસમાં મસમોટી રકમ લઈને વેચાણ કરી રહૃાાનું જાણવા મળેલ છે.
રેતી ચોરીનાં કારનામા ઘણા વર્ષોથી ચાલી રહૃાા હોવા છતાં પણ ખાણ-ખનીજ, મહેસુલ કે પોલીસ વિભાગ મુકપ્રેક્ષક બની રહેતા સમગ્ર પંથકની જનતામાં ભારે આશ્ચર્ય ફેલાયું હોય કલેકટર ઘ્‍વારા રેતી ચોરી સામે કડક કાર્યવાહી કરવામાં આવે તેવી માંગ ઉભી થવા પામી છે.