Main Menu

અમરેલી જિલ્‍લામાં વરસાદનાં અભાવે ચિંતાનો માહોલ

જિલ્‍લાનાં વેપાર-ધંધામાં ભયાનકપણે મંદી છવાઈ
અમરેલી જિલ્‍લામાં વરસાદનાં અભાવે ચિંતાનો માહોલ
જિલ્‍લાનું સમગ્ર અર્થતંત્ર કૃષિ અને વરસાદ આધારિત હોવાથી બજારોમાં કાગડા ઉડે છે
અમરેલી, તા. 6
અમરેલી જિલ્‍લામાં થોડા દિવસો પહેલા એકથી લઈને ચાર ઈંચ જેટલો પ્રાથમિક વરસાદ નોંધાયા બાદ છેલ્‍લા ચારથી પાંચ દિવસથી મેઘરાજા અદ્રશ્‍ય થઈ જતાં સૌ કોઈનાં જીવ તાળવે ચોંટી ગયા છે.
છેલ્‍લા ર0 દિવસથી હવામાન વિભાગ અને વરસાદનાં વર્તાશા કરનારાઓ વરસાદ અંગેની આગાહી કરી રહૃાા હોય ખેડૂતોએ કોરી જમીનમાં કપાસનું વાવેતર કરી દેતા અનેક ખેડૂતોનું બિયારણ બળી જતાં આર્થિક બેહાલી ઉભી થઈ છે.
સામાન્‍ય રીતે જુન-ર0થી લઈને સમગ્ર જુલાઈ મહિનો વરસાદ માટે અતિ મહત્‍વનો હોય છે અને જુલાઈનાં પાંચ દિવસ કોરા જતાં સૌ કોઈમાં ચિંતાનો માહોલ જોવા મળી રહૃાો છે.
અમરેલી જિલ્‍લાનું આથિકતંત્ર માત્ર કૃષિ આધારિત અને કૃષિ વરસાદી પાણી પર નિર્ભર હોવાથી જિલ્‍લાની વેપારીઆલમ સહિત સૌ કોઈમાં ચિંતાનો માહોલ જોવા મળી રહૃાો છે. વરસાદ ખેંચાઈ જતાં જિલ્‍લાનાં વેપાર-ધંધામાં પણ મંદીનો માહોલ જોવા મળી રહૃાો છે.


« (Previous News)