Main Menu

બાબરા પાલિકાનાં શાસકોએ વિકાસકાર્યોનાં નામે લાખો રૂપિયાનો ભ્રષ્‍ટાચાર કર્યાનો આક્ષેપ

ચેમ્‍બર ઓફ કોમર્સે મામલતદાર સમક્ષ તપાસની કરી માંગ
બાબરા પાલિકાનાં શાસકોએ વિકાસકાર્યોનાં નામે લાખો રૂપિયાનો ભ્રષ્‍ટાચાર કર્યાનો આક્ષેપ
વિજીલન્‍સ તપાસ કરવામાં નહી આવે તો આંદોલનની ચીમકી
બાબરા, તા. 4
બાબરામાં નગરપાલિકા ઘ્‍વારા શહેરનાં વિવિધ વિકાસનાં કામોમાં આચરેલ ભ્રષ્‍ટાચારની યોગ્‍ય તપાસ અર્થે ચેમ્‍બર ઓફ કોમર્સ ઘ્‍વારા મામલતદારને આવેદનપત્ર પાઠવી રજુઆત કરેલ છે.
બાબરામાં નગરપાલિકા ઘ્‍વારા શહેરની બજારોમાં આરસીસી રોડ નબળો બનાવી મોટો ભ્રષ્‍ટાચાર આચરેલ છે તેમજ સ્‍વચ્‍છતા અભિયાન અંતર્ગત ડસ્‍ટબીનનું કૌભાંડ કરવામાં આવ્‍યું છે. ત્‍યારે નગરપાલિકાનાં વહીવટની વિજીલન્‍સ ઘ્‍વારા તપાસ કરવામાં આવે તેવી માંગ શહેરના વેપારી મંડળ ઘ્‍વારા કરવામાં આવી છે.
રાજયના પ્રાદેશિક કમિશનરને બાબરા મામલતદાર એન.કે. ખીમાણી મારફત વેપારીઓ ઘ્‍વારા આવેદનપત્ર પાઠવવામાં આવ્‍યું છે. વેપારીઓ ઘ્‍વારા આવેદનપત્રમાં જણાવ્‍યું છે કે, નગરપાલિકા ઘ્‍વારા શહેરની કાળુભાર નદીને સાફ કરવામાં આવી નથી. જેના કારણે ચોમાસાની સીઝનમાં નદીમાં વરસાદી પાણી ભરાઈ જાય તેની ભીતિ નીચાણવાળા રહિશોને અને વેપારીઓને સતાવી રહી છે. આ સિવાય શહેરમાં એકપણ મુખ્‍ય બજારોમાં નગરપાલિકા ઘ્‍વારા યુરિનલબનાવવામાં આવ્‍યું નથી જેના કારણે ગ્રામ્‍ય વિસ્‍તારમાંથી હટાણું કરવા આવતા લોકો અને વેપારીઓને ભારે હાલાકી ભોગવવાનો વારો આવે છે.
ચેમ્‍બર ઓફ કોમર્સના પ્રમુખ મુનાભાઈ મલકાણે જણાવ્‍યું હતું કે, પાલિકા પ્રમુખ અને ચીફ ઓફીસરને અનેકવાર રજુઆત કરવામાં આવી તેમ છતાં નબળા કામની યોગ્‍ય તપાસ કરવામાં આવતી નથી કે અન્‍ય કોઈ સુવિધા ઉપલબ્‍ધ કરાવવામાં આવતી નથી.
વધુમાં વેપારીઓ ઘ્‍વારા ચીમકી પણ ઉચ્‍ચારવામાં આવી છે કે, જો આ બાબતે ગંભીરતાથી કોઈ નકકર કાર્યવાહી નહિ કરવામાં આવે તો આગામી દિવસોમાં બાબરા બંધનું એલાન સહિત ઉગ્ર આંદોલન કરવાની ફરજ પડશે.
બાબરામાં નગરપાલિકા ઘ્‍વારા વિવિધ વિકાસનાં કામોમાં ગેરરીતિ બાબતે અનેકવાર પાલિકાના સભ્‍યો પણ અવાજ ઉઠાવી ચુકયા છે અને લોકોમાં પણ ભારે ચર્ચાઓ છે. ત્‍યારે વેપારીઓ ઘ્‍વારા પાલિકાનાં વિવિધ કામોની તટસ્‍થ તપાસની માંગ કરવામાં આવી છે.
ત્‍યારે જોવાનું એ રહૃાું કે, અગાઉ અનેક રજુઆતનું સુરસુરીયું થયું છે ત્‍યારે વેપારીઓની માંગ કેટલા અંશે સંતોષાય છે તે આવનારો સમય કહેશે.