Main Menu

ખેડૂતોને ખરીફ પાકોનાં દોઢથી બે ગણા ટેકાનાં ભાવો મળશે : સાંસદ કાછડીયા

પ્રધાનમંત્રી નરેન્‍દ્ર મોદીએ ખેડૂતોને આપેલ વચન પૂર્ણ કર્યું
ખેડૂતોને ખરીફ પાકોનાં દોઢથી બે ગણા ટેકાનાં ભાવો મળશે : સાંસદ કાછડીયા
પહેલા પાક વીમા યોજના અને હવે ટેકાનાં ભાવો માટેનાં મોદી સરકારનાં નિર્ણયથી ખેડૂતોને સીધો જ ફાયદો થશે
અમરેલી, તા.4
મોદી સરકારે આજ કેબીનેટની બેઠકમાં ખેડૂતોને 14 ખરીફ પાકો માટે દોઢથી બે ગણા ટેકાના ભાવો આપવા બાબતે ઐતિહાસિક નિર્ણય કરતા અમરેલીના સાંસદ નારણભાઈ કાછડીયાએ પ્રધાનમંત્રી નરેન્‍દ્ર મોદી અને કેન્‍દ્ર સરકારનો અમરેલી જિલ્‍લાના ખેડૂતો વતી આભાર વ્‍યકત કરેલ છે.
સાંસદે જણાવેલ છે કે, નરેન્‍દ્ર મોદીની સરકારે ખેડૂતો માટે ટેકાના ભાવ વધારવા કરેલ કિસાન હીતલક્ષી નિર્ણયને હું આવકારૂ છું અને આ પગલુ કિસાનો માટે સોનાના સુરજ સમાન છે અને મોદી સરકારના આ નિર્ણયથી દેશના 1ર કરોડથી પણ વધુખેડૂતોને સીધો જ ફાયદો થશે.
પ્રધાનમંત્રી નરેન્‍દ્ર મોદી જયારે અમરેલી આવેલા ત્‍યારે ખેડૂતોને તેમની આવક બમણી કરવા માટે સરકાર કટીબઘ્‍ધ છે તેવું વચન આપેલ અને તેના નિર્ધાર સાથે  નરેન્‍દ્ર મોદી દ્વારા પ્રધાનમંત્રી ફસલ વીમા યોજના અને એમ.એસ.પી. (ટેકાના ભાવ) જેવા નિર્ણયો કરી છેલ્‍લા 4 વર્ષમાં ખેડૂત અને ગામડાને એકમ બનાવી દેશના ખેડૂતોની મહેતન એળે ન જાય અને ખેડૂતોને તેમની પેદાશના પુરતા ભાવો મળી રહે તેવા અનેક નિર્ણયો કર્યા છે. પહેલાની કોંગ્રેસની યુ.પી.એ. સરકાર ફકત જાહેરાતો, ઘોષણાઓ જ કરતી જયારે મોદી સરકાર તેમની યોજનાઓ જમીની સ્‍તર સુધી પહોચાડવામાં સફળ રહી છે તેમ સાંસદે જણાવેલ છે.