Main Menu

આલે લે : રાજુલાનાં ર પોલીસ કર્મીઓ દીવમાં છાંટો પાણી કરતાં ઝડપાતા સસ્‍પેન્‍ડ કરાયા

પીવાના શોખીન પોલીસકર્મીઓમાં ફફડાટનો માહોલ
આલે લે : રાજુલાનાં ર પોલીસ કર્મીઓ દીવમાં છાંટો પાણી કરતાં ઝડપાતા સસ્‍પેન્‍ડ કરાયા
એસપી નિર્લિપ્‍ત રાયે નિયમાનુસાર ફરજમોકૂફ કર્યા
અમરેલી, તા.4
રાજુલા પોલીસ મથકનાં બે પોલીસ કર્મીઓ વગર રજાએ દીવ સહેલગાહે જઈ ત્‍યાં નશામાં ધૃત બની છાકટા વેડા કર્યાની ઘટના અમરેલી એસ.પી.ને ઘ્‍યાને આવતા આજે બંને કર્મચારીઓને સસ્‍પેન્‍ડ કરી દેવામાં આવતા પોલીસ બેડામાં સન્‍નાટો મચી ગયેલ છે.
પ્રાપ્‍ત વિગત મુજબ પાંચ દિવસ પહેલા રાજુલાપોલીસ મથકના બે અનાર્મ પોલીસ કોન્‍સ. પરેશ લખમણભાઈ બારૈયા તેમજ મેહુલ ભુપતભાઈ પંડયા વગર રજાએ દીવની સહેલગાહે ઉપડી ગયેલા હતા. દીવમાં બંને પોલીસ કર્મીઓએ દારૂના નશામાં ધૃત બની જાહેર રોડ ઉપર છાકટા વેડા કરતા દીવ પોલીસે બંનેની કલમ 1પ1 હેઠળ અટક કરી દારૂનો નશો ઉતારી દીધેલ હતો. અમરેલી એસ.પી. નિર્લિપ્‍ત રાયને આ ઘટના ઘ્‍યાને આવતા આજે બંને પોલીસકર્મીને સસ્‍પેન્‍ડનું ગડગડીયું પકડાવી દેવામાં આવતા પોલીસ બેડામાં ભારે સન્‍નાટો છવાઈ ગયેલ હતો.
અત્રે ઉલ્‍લેખનીય છે કે તાજેતરમાં ફરજમાં બેદરકારી દાખવનારા અમરેલી સીટી પી.આઈ. ચૌધરીને સસ્‍પેન્‍ડ કર્યા બાદ વધુ બે પોલીસ કર્મીઓને સસ્‍પેન્‍ડ કરી દેવામાં આવતા ફરજમાં બેદરકારી દાખવનારા પોલીસ કર્મીઓમાં ફફડાટ ફેલાયેલ છે.