Main Menu

પીપાવાવધામનાં આંદોલનકારીઓને આંદોલન પૂર્ણ કરવા વહીવટી તંત્રની સૂચના

પ્રાંત કલેકટરે દબાણ દૂર કરાવ્‍યું હોવાની બાબતો જણાવી
પીપાવાવધામનાં આંદોલનકારીઓને આંદોલન પૂર્ણ કરવા વહીવટી તંત્રની સૂચના
આંદોલન પૂર્ણ નહીં થાય તો જાહેરનામા ભંગની કાર્યવાહી કરવાની ચીમકી  આપવામાં આવી
રાજુલા, તા.4
રાજુલા તાલુકાના દરિયાકાંઠા વિસ્‍તારના પીપાવાવ ધામના સરપંચ તથા ગ્રામજનો છેલ્‍લા 71 દિવસથી રાજુલા પ્રાંત કચેરી સામે ઉપવાસ આંદોલન કરી રહયા છે. ગુજરાત હેવી કેમિકલ્‍સ લિમિટેડ અને ભૂમાફીયાઓના કબજામાંથી ગામની જમીન મુકત કરાવવા અને ખાલી જમીન પર ગામના લોકોને રોજીરોટી માટે જમીન ફાળવવા માટે આંદોલન કરી રહયા છે. તંત્ર દ્વારા દબાણ દૂર કરવાની ઔપચારિકતા પુરી કરી છે હજુ પણ બેરોકટોક ઝીંગા ફાર્મ ધમધમી રહયા છે. આંદોલનકારીઓ નાયબ કલેકટરને નોટીસ આપી જણાવ્‍યું હતું કે આપની માંગણી મુજબદબાણ દૂર કરવામાં આવ્‍યા તેમજ જો આપ હવે આંદોલન ચાલુ રાખશો તો કલેકટરના જાહેરનામા ભંગની કાર્યવાહી કરવામાં આવશે. આ અંગે પીપાવાવ ધામના સરપંચ હંસાબેન ગુજરીયા દ્વારા જણાવાયું આંદોલન શરૂ થયું ત્‍યારે અમો દ્વારા મામલતદાર પાસેથી મંજૂરી લેવામાં આવી હતી અને ત્‍યારબાદ નાયબ કલેકટર દ્વારા મંજૂરી રદ કરવામાં આવી હતી અને અમો દ્વારા નવા નિયમો મુજબ મંજૂરી માંગેલ પરંતુ આજદિન સુધી પ્રાંત અધિકારી દ્વારા અમોને મંજૂરી આપવામાં આવેલ નથી અને અમારી માંગણી હજુ પણ પૂર્ણ કરવામાં આવી નથી. આથી અમો આ આંદોલન ગાંધી ચિંઘ્‍યા માર્ગે ચાલુ રાખીશું.
નાયબ કલેકટરને અચાનક જ 70 દિવસો બાદ કેમ મંજૂરીની વાત યાદ આવી ? તેમજ આંદોલનકારીઓ દ્વારા એક મહિનાથી વધુ સમયથી મંજૂરી માંગવામાં આવેલી તો આજદિન સુધી મંજૂરી કેમ આપવામાં ના આવી તેવા પ્રશ્‍નો ઉપસ્‍થિત થઈ રહયા છે. દિવસના અંતે આંદોલનકારી અશોકભાઈ ભાલીયા, પ્રવિણભાઈ બારૈયા, અજયભાઈ શિયાળ, ભાણાભાઈ ગુજરીયા, પીપાવાવ ધામના સરપંચ હંસાબેન ગુજરીયા સહિતના લોકો દ્વારા પ્રાંત કચેરીએ આવેદનપત્ર આપ્‍યું હતું.