Main Menu

દહીંથરા ગૌ-શાળામાં ભામાશા ગોપાલ શેઠનું અદકેરૂ સન્‍માન

દહીંથરા મુકામે ગોવિંદ ભગત ટ્રસ્‍ટ સંચાલિત અલખધણી ગૌશાળામાં અબોલ, અશકત,વિકલાંગ, અકસ્‍માતનો ભોગ બનેલ તેમજ બીમાર ગાયો માટેની ગૌશાળામાં ગૌમાતાની સુવિધા માટે દરીયા દિલ દાતાઓ થકી, ઘાસ ગોડાઉન, એમ્‍બ્‍યુલન્‍સ, પતરાના શેડ, ઓપરેશન રૂમ, આજીવન દવાઓ વગેરેનું દાતાઓ દ્વારા નામકરણ સાથે અર્પણ વિધિ કરવામાં આવી હતી. આ તકે ગૌશાળા સંચાલકોએ દાતાઓને સન્‍માનીત કર્યા હતા. ગૌ-શાળામાં કરોડોનું દાન આપનાર જીવદયા રત્‍ન વિજેતા પ્રકાશભાઈ ગાંધી પુરા પરિવાર સાથે એટલે એમનો પરિવાર વિશ્‍વમાં જુદા જુદા દેશમાં પથરાયેલો છે. તે તમામ સભ્‍યો પધારેલ અને બાબરા-લાઠીમાં દાન માટે જેમનું નામ ભામાશા તરીકે ભાવપૂર્વક લેવામાં આવે છે તેવા ગોપાલભાઈ ચમારડી આ પ્રસંગે ખાસ ઉપસ્‍થિત રહી પ્રસંગને દીપાવેલ. સાથે સાથે ભામાશાને શોભે તેવા દાનની પણ જાહેરાત કરેલ છે. આ તબકકે દાનવીર પ્રકાશભાઈ ગાંધીએ ગોપાલભાઈને સન્‍માનીત કરતા આનંદની લાગણી વ્‍યકત કરેલ છે. જીગ્નેશદાદા તેમજ ભારતીબાપુ ગોપાલભાઈ વસ્‍તરપરાને ધન્‍યવાદ સાથે આશીર્વાદ પણ આપેલ છે. ગાય અને ગૌરી એટલે ગાયોની સેવા કરતા રહો સાથે સાથે દીકરીઓને યોગ્‍ય કરિયાવર સાથે વિદાય આપવાનું કામ કરો છો તે પણ કરતા રહો કારણ કે દીકરીને ગાય દોરે ત્‍યાં જાય. જેમનું જીવન બીજાના સુખ માટે ભગવાને બનાવ્‍યું છે એવી ગાયમાતા અને આપણી દીકરીઓઆ બન્‍નેની ખૂબ સેવા કરો.