Main Menu

ધારાસભ્‍યો અને સાંસદ દ્વારા બાંકડાઓનો વરસાદ

છેલ્‍લા પાંચેક વર્ષમાં રૂપિયા 10 કરોડ જેવી રકમનો ખર્ચ થયો
ધારાસભ્‍યો અને સાંસદ દ્વારા બાંકડાઓનો વરસાદ
પાણી, શિક્ષણ, આરોગ્‍ય પાછળ ખર્ચ કરવાને બદલે ગ્રાન્‍ટનો દુરૂપયોગ નો ઉત્તમ નમૂનો
અમરેલી, તા. 3
અમરેલી જિલ્‍લામાં વરસાદ પડે કે નાં પડે પરંતુ જિલ્‍લાનાં ધારાસભ્‍યો અને સાંસદે પોતાને મળતી ગ્રાન્‍ટમાંથી છેલ્‍લા પાંચ વર્ષમાં બાંકડાઓનો વરસાદ વરસાવીને ભારે આશ્ચર્ય ઉભુ કરી દીધું છે.
જિલ્‍લામાં શિક્ષણ, આરોગ્‍ય, માર્ગો, પીવાનું શુઘ્‍ધ પાણી જેવી અત્‍યંત જરૂરી સુવિધા માટે રાજય સરકાર પાસે નાણાનો અભાવ જોવા મળી રહૃાો છે. અને ધારાસભ્‍યોને દર વર્ષે 1 કરોડ રૂપિયા અને સાંસદને દર વર્ષે રૂપિયા પાંચ કરોડ જેવી અધધ રકમ તેમના મત વિસ્‍તારનાં વિકાસ કાર્યો માટે ફાળવવામાં આવે છે અને તે રૂપિયા જનતા જનાર્દનનાં પરસેવાનાં પૈસા છે તેનો ઉપયોગ બાંકડા જેવી નકામી વસ્‍તુઓ પાછળ કરવામાં આવી રહૃાો હોય તે બાબત અતિ દુઃખદાયક છે.
હવે પ્રશ્‍ન એ ઉભો થાય છે કે, ધારાસભ્‍યો અને સાંસદ લાખો રૂપિયા બાંકડા જેવી નકામી ચીજવસ્‍તુઓ પાછળ શું કામ ખર્ચ કરે છે તે અંગે જાણવાનો પ્રયાશ કરાતાંચોંકાવનારી વિગતો બહાર આવેલ છે.
જેમાં અમુક ધારાસભ્‍યો અને સાંસદે ફાળવેલ બાંકડાની રકમમાં જમીન-આસમાનનો તફાવત જોવા મળી રહૃાો છે. જેમાં મસમોટું કૌભાંડ થયાની પ્રાથમિક વિગતો જાણવા  મળેલ છે.
આ અંગે જવાબદાર વિભાગ પાસેથી સઘળી હકીકતો માંગવામાં આવી રહી છે. અને સમગ્ર ગ્રાન્‍ટનો હિસાબ જાહેર કરીને કયાં નેતાએ કયાં કૌભાંડ કર્યા છે તેને પ્રકાશમાં લાવવામાં આવશે.