Main Menu

લ્‍યો બોલો : ધારીનાં શિક્ષક સામે તપાસ શરૂ હોવા છતાં પુનઃ નિયુકિત કરાતા રજૂઆત

અમરેલી, તા. 3
ચલાલાનાં કોંગી અગ્રણી કોકીલાબેન કાકડીયાએ ધારીનાં શિક્ષક હરેશકુમાર મકવાણાની પૂનઃ નિયુકિત સામે વેધક પ્રશ્‍નો ઉભા કરીને શિક્ષણાધિકારીની કાર્યશૈલીની ઝાટકણી કાઢી હતી.
તેણીએ એક નિવેદનમાં જણાવેલ છે કે, ધારી તાલુકાનાં શિક્ષક હરેશકુમાર બી. મકવાણાની સામેનીતપાસ ચાલુ હોવા છતા પુનઃ નિયુકિત કરાતા તાલુકામાં રોષની લાગણી ફેલાણી છે. તેમની સામે નીચે મુજબની કાર્યવાહી કરવાની બાકી હોવા છતાં તેમને છાવરવામાં આવે છે જે નીચે મુજબ છે (1) મજકુર કર્મચારી તા. ર4/11/17 ના રોજ સ્‍વે. નિવૃતિ થયેલ હોય નિવૃતિ હુકમ પણ બજાવેલ હોય અને તેમની અમલવારી શાળા કક્ષાએ પણ થઈ ગયેલ હોવા છતાં મજકુરની ઓફિસને જાણ કર્યા વગર અરજીના આધારે તા.ર9/11/17 થી ચૂંટણી આચાર સંહિતા લાગુ હોવા છતા પુનઃ નિયુકિતનો હુકમ જિલ્‍લા પ્રાથમિક શિક્ષણાધિકારી ર્ેારા કરવામાં આવેલ છે, જેની તપાસ આજદિન સુધી થયેલ નથી. (ર) મજકુર કર્મચારીની નોકરી ર0 વર્ષ ઉપરાંત થતી હોય પુનઃ નિયુકત કરવા માટે ગુજરાત મુલ્‍કિ સેવા નિયમો ર00ર ના નિયમ-48 ના બદલે જી.સી.એસ.આર. પેન્‍શનના નિયમો ર00ર પ્રમાણે ચૂંટણી આચાર સંહિતામાં કરેલ જે વહીવટી શંકા ઉપજાવે છે. (3) મજકુર કર્મચારી ચૂંટણી દરમ્‍યાન સતત રજા પર, ખુલ્‍લેઆમ આચાર સંહિતાનો ભંગ, સસ્‍પેન્‍ડ કર્યા પછી તાલુકા અને જિલ્‍લાની ઓફિસમાં આર.ટી.આઈ. તથા નનામી અરજી કરવાની પ્રવૃતિઓ કરતા હોવા છતાં જિલ્‍લાની ઓફિસે તેમની સામે કોઈ જ પગલા લીધા નથી. (4) મજકુર કર્મચારી સામે આવક કરતા વધારે સંપત્તિ ધરાવતા હોવાની વારંવાર અરજીઓ થયેલ છતાં કોઈ તપાસકરવામાં આવેલ નથી.
છેલ્‍લે પ્રમુખ કોકિલાબેને મજકુર કર્મચારી સામે તાત્‍કાલીક તપાસ કરાવી સરકારનાં નિયમોનુસાર કાર્યવાહી કરાવવા જણાવેલ છે. તેમજ તેમની નિમણુંકથી તે શાળાનાં બાળકોનાં ભવિષ્‍ય પર અસર પડી રહી છે તેમ જણાવે છે.