Main Menu

દોઢ મહિના પહેલા સરકારે ટેકાનાં ભાવે ખરીદી કર્યા બાદ ખેડૂતોને ચણાની રકમ ન મળતાં નારાજગી

દોઢ મહિના પહેલા સરકારે ટેકાનાં ભાવે ખરીદી કર્યા બાદ
ખેડૂતોને ચણાની રકમ ન મળતાં નારાજગી
જગતાત ગણાતા ખેડૂતોની હાલત અતિ દયનીય બની હોય સરકારે માનવતા દાખવવી જરૂરી
સાવરકુંડલા, તા.3
સરકાર દ્વારા ટેકાના ભાવે ચણાની ખરીદી કરી પણ ચણાની રકમ હજુ સુધી ખેડૂતોના ખાતામાં જમા ન થતા અમરેલી જિલ્‍લાના ખેડૂતો મુશ્‍કેલીમાં મુકાયા છે. સાવરકુંડલામાં નાફેડ દ્વારા ટેકાના ભાવના ચણાની ખરીદીને આજે દોઢેક માસ જેવો સમય વીતવા છતાં પૈસાના અભાવે ખેડૂતો વાવણી વિના ટળવળી રહયા છે.
અમરેલી જિલ્‍લામાં સરકાર નાફેડ અને ગુજકોમાસોલ દ્વારા ટેકાના ભાવના ચણાની ખરીદી દોઢેક માસ પહેલા સાવરકુંડલાના એ.પી.એમ.સી.માં ખરીદી કરવામાં આવી હતી. 1ર00 જેટલા ખેડૂતોએ ઓનલાઈન ટેકાના ભાવના ચણા વેચવાની નોંધણી કરાવ્‍યા બાદ આજે દોઢેક માસ જેવો સમયગાળો વીતી ગયો છે. માથે ચોમાસુ આવી ગયું છે. મોટાભાગે ખેડૂતોએ વાવણી કરી દીધી છે પણ ટેકાના ભાવના ચણાનું વેચાણ કરનાર ખેડૂતની હાલત સૂડી વચ્‍ચે સોપારી જેવી નિર્માણ પામી છે. સાવરકુંડલાના વિજય રાઠોડ નામના ખેડૂતે 80 મણ ચણા ટેકાના ભાવે વેચ્‍યા હતા પણ હજુ સુધી ટેકાના ભાવના પૈસા ખેડૂતને મળ્‍યા ન હોવાથી ર0 વિઘાની જમીન પર ખેડૂત વાવણીવિહોણા જોવા મળી રહયો છે. અને સરકાર સામે પૈસા ચૂકવવાની કાકલુદી કરી રહયા છે.
પ વીઘામાં પશુ માટે રજકાનું વાવેતર ઉભુ છે અને ર0 વીઘા હજુ વાવેતર કર્યા વિના ખેડૂત જમીન ખેડાણ નથી કરી શકયો. 80 મણ ચણા સરકારને ટેકાના ભાવના વેચ્‍યા બાદ પૈસા વિના ખેડૂત વાવણી કરવા અસમર્થ છે. પ વીઘામાં રજકાનું વાવેતર કરીને બીજી ર0 વીઘાની વાવણી ન કરતા હવે ખેડૂતના ભાગીયા પણ પૈસા વિના ખેતી કામો છોડવાની વાતો કરતા ખેડૂત વધુ મુશ્‍કેલીમાં મુકાયો છે. ત્‍યારે સાવરકુંડલા ખરીદ વેચાણ સંઘ દ્વારા ખરીદ કરાયેલા ટેકાના ભાવના ચણા અંગે સાત બાર આઠ-અ ની કરીને ઉપર લેવલે ડોકયુમેન્‍ટ રવાના કરવાની કામગીરી વેગવંતી બનાવી છે પણ હજુ ટેકાના ભાવના ચણાની ચુકવણી થવામાં એક દોઢ માસ જેવો સમયગાળો વીતે તેવું ખરીદ વેચાણ સંઘના મેનેજરે જણાવ્‍યું હતું. 1ર00 ખેડૂતોમાંથી 6ર6 ખેડૂતોની ર4 હજાર નવસો એંશી ગુણી સરકારે ખરીદ કરી છે. બીજા બાકી રહી ગયેલા ખેડૂતોએ બીજા ખેડૂતોના સાત બાર આઠ-અ લઈને પોતાના ચણા ટેકાના ભાવે વેચ્‍યા હોવાનું સંઘના મેનેજર જણાવે છે. જયારે હજુ ટેકાના ભાવના પૈસા એક દોઢ માસ જેવા સમયગાળા બાદ    મળે તેવું જણાવ્‍યું હતું પણ 6ર6 ખેડૂતોમાંથી ઘણા ખરા ખેડૂતો ટેકાના ભાવના ચણાના પેમેન્‍ટનીરાહે હોવાથી વાવણી વિના ખેડૂતો ટળવળી રહયા છે અને ચોમાસામાં વાવણી વિના ખેડૂત વધુ મુશ્‍કેલીમાં મુકાઈ તે પહેલા સરકાર ટેકાના ભાવનું પેમેન્‍ટ ચુકવે તેવી લાગણી અને માંગણી વ્‍યકત કરી રહયા છે.