Main Menu

ચિંતા : વરસાદ ખેંચાઈ જતાં ખેડૂતો પરેશાન : સૌનો શ્‍વાસ અઘ્‍ધર થઈ રહૃાો છે

હવામાન વિભાગ, વરસાદનાં વર્તારા કરનારાઓ ગાયક થઈ ગયા
ચિંતા : વરસાદ ખેંચાઈ જતાં ખેડૂતો પરેશાન : જુલાઈ મહિનાનાં રદિવસ પસાર થઈ ગયા  : સૌનો શ્‍વાસ અઘ્‍ધર થઈ રહૃાો છે
વરસાદ પહેલા જ વાવેતર કરનાર ખેડૂતનું બિયારણ પણ બળી જતાં આર્થિક સંકટ
અમરેલી, તા. 3
બાબરામાં ગઈકાલે બપોરે અચાનક વાતાવરણમાં પલટો આવ્‍યો અને મેઘરાજાએ હેત વરસાવવાનું શરૂ કર્યુ. જો કે થોડીવારમાં વરસાદ ધીમો બંધ થતાં માત્ર અડધો ઈંચ વરસાદ પડયો હતો. જો કે વરસાદનાં હળવા ઝાપટાથી શહેરનાં રસ્‍તાઓમાં પાણી વહેતા અને વાતાવરણમાં ઠંડક પ્રસરી ગઈ હતી.
બાબરા પંથકમાં એક સપ્‍તાહ પૂર્વે સારો વરસાદ પડી જતાં મોટા દેવળીયા, ચરખા, રાયપર, નિલવડા, ઉંટવડ, નવાણીયા, થોરખાણ સહિતની આસપાસની સીમમાં ખેડૂતોએ વાવણીના શ્રી ગણેશ કર્યા હતા. જો કે ત્‍યાર પછી  ત્રણ વાર ધીમીધારે અહીં વરસાદ વરસી પડતા આ વિસ્‍તારમાં આવેલ સીમમાં ખેડૂતોને સારૂ છે. પણ બાકી ખાખરીયા, દરેડ, ચમારડી, વાવડી, કરીયાણા અને પંચાલના મોટાભાગના ખેતરો કોરા રહેતા ખેડૂતોમાં ભારે નિરાશાની લાગણી જોવા મળી રહી છે.
બાબરાનાં ખેડૂત અગ્રણી દિનેશભાઈ પોકીયાનાં જણાવ્‍યા અનુસાર અહીં તાલુકામાં 70 ટકા સીમમાં ખેડૂતોએ વરસાદની રાહમાં કોરામાં કપાસનું બિયારણ રોપી દીધું હતું પણ વરસાદ નહી પડતા હાલ બિયારણ નિષ્‍ફળ ગયું અને બીજીવાર ખેડૂતો બિયારણની ખરીદી કરી  રહૃાાંછે.
દિનેશભાઈ પોકીયાએ વધુમાં જણાવ્‍યું હતું કે, હવે વરસાદની તાતી જરૂરીયાત છે. જો હવે વરસાદમાં મોડું થશે તો ખેડૂતો માટે આર્થિક સંકટ ઉભુ થાય તેવી શકયતાઓ જોવા મળી રહી છે.
બાબરામાં સારો વરસાદ થાય તે માટે શહેરમાં અનેક ગ્રુપ ઘ્‍વારા શ્‍વાનને લાડુ સહિતની અન્‍ય સેવાકીય પ્રવૃત્તિઓ કરવામાં આવી રહી છે. ત્‍યારે હવે ખેડૂત સહિત સૌ કોઈ સારા વરસાદની મીટ માંડીને બેઠા છે.