Main Menu

ખાંભામાં એસ.ટી. નાં અભાવથી વિદ્યાર્થીઓ પરેશાન

બોરાળા, બાબરપરા, ચક્રાવા, કંટાળા સહિતનાંગામનાં વિદ્યાર્થીઓ પરેશાન
ખાંભામાં એસ.ટી. નાં અભાવથી વિદ્યાર્થીઓ પરેશાન
ઘેટા-બકરાની જેમ ભુલકાઓને મુસાફરી કરવી પડી રહી હોય મામલો ગંભીર
ખાંભા, તા. 30
ખાંભા અભ્‍યાસ અર્થે ગામડેથી આવતા વિદ્યાર્થીઓલને અભ્‍યાસ પૂર્ણ કરી બપોરે ઘરે જવા માટેની એક જ બસ ઉના-ખાંભા રૂટની હોય અને 160થી વધારે વિદ્યાર્થીઓ હોવાથી બસ ઠસઠસ ભરાય જવાથી અકસ્‍માત થવાની ભીતિ સેવાઈ રહી છે. ત્‍યારે ખાંભા તાલુકાના બોરાળા, બાબરપરા, ચક્રાવા, ધુંધવાણા, કંટાળા, પચપચીયા સહિતનાં 160થી વધારે વિદ્યાર્થીઓ અભ્‍યાસ અર્થે ખાંભા આવતા હોય છે. ત્‍યારે વિદ્યાર્થીઓને સવારની બેથી ત્રણ બસ મળતી હોય છે પરંતુ બપોરે અભ્‍યાસ પૂર્ણ કરી ઘરે જવા માટેની એક જ બસ હોય અને વિદ્યાર્થીઓ આ બસમાં સમાઈ શકતા ન હોવાથી ના છુટકે વિદ્યાર્થીઓ આ બસમાં ઠસોઠસ ભરાયને બેસે છે. ત્‍યારે વિદ્યાર્થી પર અકસ્‍માતનો ભય ઉભો થયેલ છે. જવાબદારી કોની તેવો વેધક સવાલ ઉભો થયો છે. ત્‍યારે અન્‍ય બીજી બસ બપોરે 1રઃ30 વાગ્‍યે અગાઉ ચાલતી સાવરકુંડલા-ઉના રૂટની બસ એસ.ટી. તંત્રએ બંધ કરી દીધેલ છે. આ બસ કયાં કારણોસર બંધ કરી દેવામાં આવી છે અને આ બસ ચાલું કરાવવા વિદ્યાર્થીઓ ઘ્‍વારા અનેકવાર ચાલું કરાવવા લેખિત અને મૌખિક રજુઆત કરવા છતાં તંત્રનાં પેટનું પાણી પણ હલતુંનથી. ત્‍યારે વિદ્યાર્થીઓ ઘ્‍વારા ચીમકી ઉચારવામાં આવી છે કે જો 10 દિવસમાં સાવરકુંડલા-ઉના રૂટની બસ શરૂ કરવામાં નહીં આવે તો બસ રોકો તેમજ ઉગ્ર આંદોલન કરવાની ફરજ પડશે.