Main Menu

સરસ : સોશ્‍યલ મીડિયામાં ખોટા સમાચાર વાયરલ કરનાર વિરૂઘ્‍ધ ગુન્‍હો નોંધાયો

ગમે તે મેસેજને ફોરવર્ડ કરનારાઓમાં ફેલાયો ફફડાટ
સરસ : સોશ્‍યલ મીડિયામાં ખોટા સમાચાર વાયરલ કરનાર વિરૂઘ્‍ધ ગુન્‍હો નોંધાયો
અમરેલી, તા. 30,
રાજુલા ગામે ગત તા.ર6/6 નાં રોજ સરદાર સમાચાર/ એસ.એસ.ન્‍યુઝ ઈન્‍ડિયા ગૃપનાં એડમીને રાજુલા શહેરમાં બાળકોને પકડવા વાળી ગેંગ/ટોળકી આવેલ છે, જેથી બાળકોનું ખાસ ઘ્‍યાન રાખવું અને રાજુલા પોલીસે જાહેરનામું બહાર પાડેલ છે. તેવો જાહેર જનતા ભયમાં મુકાય તેમજ લોકોમાં ગભરાટ પેદા થાય તેવો અને જાહેર શાંતિવિરૂઘ્‍ધ કોઈ ગુનો બને એવા ઈરાદાથી મેસેજ વાયરલ કરી ખોટી અફવા ફેલાવી, ખોટો મેસેજ સોશ્‍યલ મીડીયામાં વાયરલ કરતાં આ અંગે રાજુલા પોલીસમાં પી.આઈ. જાડેજાએ ફરિયાદ દાખલ કરેલ છે.