Main Menu

અમરેલીમાં આવતીકાલે ખેડૂતોની વિશાળ રેલી

અમરેલી અને ભાવનગર જિલ્‍લામાંથી ખેડૂતો ઉમટી પડશે
અમરેલીમાં આવતીકાલે ખેડૂતોની વિશાળ રેલી
જંગલ વિભાગને જમીન નહી આપવાનો નિર્ણય કરીને વિવિધ માંગ સરકાર સમક્ષ કરાશે
અમરેલી, તા. 30
ભાવનગર અને અમરેલી જીલ્‍લાનાં મહુવા, તળાજા, પાલીતાણા, જેસર, રાજુલા, સાવરકુંડલા, જાફરાબાદ, બગસરા, ખાંભા, ધારી, લાઠી, લીલીયા વિગેરે ગામનાં ખેડૂતો, પશુપાલકો, ખેતમજુરો વિગેરેને વિશ્‍વાસમાં લીધા વગર થોડા દિવસ પહેલા સરકાર અને જંગલ ખાતાએ સાથે મળીને આશરે બન્‍ને જીલ્‍લાની 1પ00થી ર000 ચોરસ કીલો મીટર જમીન જંગલી પ્રાણીઓના વસવાટનું બહાનું બતાવીને બન્‍ને જીલ્‍લાના ખેડૂતો, ખેતમજુરો અને પશુપાલકોને હેરાન પરેશાન કરીને ખેતી, ખેડૂત, પશુપાલક, પશુધન, ખેતમજુરો વિગેરેને ખતમ કરવાના પેતરા રચાઈ રહૃાા છે. તે યુઘ્‍ધના ધોરણે કાયમી બંધ રાખવામાં માટે ભાવનગર અને અમરેલી જીલ્‍લા ખેડૂત સમાજ તા. ર/7/18નાં રોજ અમરેલી જીલ્‍લા કલેકટરને બન્‍ને જીલ્‍લાના ખેડૂતો, પશુપાલક, ખેતમજુરો વિગેરે જંગલખાતાને એક પણ ઈંચ જમીન કોઈપણ સંજોગોમાં આપવાના નથી કે આપવી નહી તેવી રજુઆત કરશે. સાથે સાથે ખેડૂતોના તમામ લેણા માફ કરો, ખેત પેદાશના ખેડૂતોની માંગણી પ્રમાણે ઉંચા ભાવ કરી આપો, ખેડૂતોને ખેતીવાડીમાં રોજ, ભુંડ, સિંહ,દીપડા, ખુંટીયા, રાનીપશુ, રખડતા ઢોર વિગેરે ખેડૂતોની ખેતીવાડીમાં ભયંકર નુકશાન કરે છે તે બંધ કરાવો. વીજળી 18 કલાક આપો અને વીજબીલ કાયમી ધોરણે માફ કરો. ડીઝલમાં પ0 ટકા ખેડૂતોને સબસીડી આપો, ખેડૂતોને સરકારી અને સહકારી બેન્‍કો ખુલ્‍લેઆમ લુંટે છે તે બંધ કરાવો, સિંચાઈ ઘ્‍વારા મળતુ પાણી મફત આપો તેમજ છેલ્‍લા ર0 વર્ષથી ખેડૂતોના અટવાયેલા વિવિધ પ્રશ્‍નોની જાહેરમાં ચર્ચા કરીને કાયમી ધોરણે ઉકેલ આવે તેવી સરકારમાં રજુઆત કરાશે. અને ખેડૂત, પશુપાલક, ખેતમજુર વિગેરેનું એક સંગઠન બનાવીને માંગણીઓ કરાશે તોજ ઉકેલ આવશે તેવી જાહેરમાં ચર્ચા થશે. ઉપરોકત બાબતે જીલ્‍લા કલેકટર કચેરીના મેદાનમાં જાહેરમાં ચર્ચા થશે. આ મેદાનમાં ગુજરાત અને દેશભરમાં પ્રસિઘ્‍ધિ પામેલ મેથળા બંધારાના મુખ્‍ય આગેવાન ભરતસિંહ પી. વાળા, પ્રતાપભાઈ એન. ગોહિલ, મનુભાઈ ચાવડા, અશોકભાઈ ભાલીયા, અમરેલી જીલ્‍લા ખેડૂત સમાજના પ્રમુખ નરેશભાઈ વીરાણી, કેતનભાઈ કસવાલા, મહેશભાઈ સોરવડીયા, પીપાવાવ ગામના સરપંચ ભાણાભાઈ વિગેરે આગેવાનો જાહેર વકતવ્‍ય આપશે. તેમાં અમરેલી જીલ્‍લાનાં તમામ ખેડૂતો, પશુપાલકો, ખેતમજુરોને પોતાના હકક અને અધિકાર માટે મોટી સંખ્‍યામાં હાજરી આપવા જણાવાયું છે.
તેમજ રાજુલા તાલુકાના પીપાવાવ ગામનીજમીન જીએચસીએલ કંપની અને ભુમાફીયાઓએ પચાવી પાડેલ છે તે મુકત કરાવવા 70 દિવસથી પીપાવાવ ગામના લોકો પ્રાંત કચેરી સામે ઉપવાસ આંદોલન કરી રહૃાા છે. તેનો આજદિન સુધી ઉકેલ નહી આવતા તે લોકો તા. ર/7/18નાં રોજ અમરેલી જીલ્‍લા કલેકટરને રજુઆત કરીને પીપાવાવ ગામની કંપનીને ફાળવેલ જમીન તથા ભુમાફીયાઓએ દબાવેલ જમીન ટુંક સમયમાં ગામલોકોને સાથે રાખીને ભાવનગર અને અમરેલી જીલ્‍લા ખેડૂત સમાજ તથા ગુજરાતના વિવિધ સંગઠનો સાથે મળીને સવિનય કાયદાનો ભંગ કરીને ઉપરોકત જમીનો ઉપર કંપની તથા ભુમાફીયાઓની જમીન ઉપરની તમામ મિલ્‍કત તથા જમીનો કબજો ગામ લોકો સંભાળી લેશે. તેવી જીલ્‍લા કલેકટરને સાથે મળીને લેખીતમાં રજુઆત કરીને આવેદન આપશે.