Main Menu

હેરામ : પીપાવાવધામ જમીન મુકિત આંદોલન પૂર્ણ થતું નથી

રાજુલા તાલુકાના દરિયાકાંઠા વિસ્‍તારના પીપાવાવધામના સરપંચ તથા ગ્રામજનો છેલ્‍લા 67 દિવસોથી રાજુલા પ્રાંત કચેરી સામે ઉપવાસ આંદોલન કરી રહૃાા છે. ગુજરાત હેવી કેમિકલ્‍સ લિમિટેડ કંપની વીકટર અને ભુમાફીયાઓના કબ્‍જામાંથી ગામની જમીન મુકત કરાવવા અને સરકારી નિયમો મુજબ ગ્રામજનોને રોજીરોટી માટે ફાળવવામાં આવે તેવી માંગણી સાથે આંદોલન કરી રહૃાા છે. આ આંદોલનકારીઓની રજુઆતના કારણે ફકત 8 ઈસમોના દબાણ દુર કરવાની કામગીરી તંત્ર ઘ્‍વારા ચાલું કરવામાં આવી છે. પરંતુ ગામજનોમાં લોક ચર્ચા ઉઠી છે કે નાના માણસોના ઝીંગા ફાર્મ તોડીનાખ્‍યા પણ જે રાજકીય વગ ધરાવતા ભુમાફીયાઓ હતા તેમના ઝીંગા ફાર્મ ઉપર ઉપર જ તોડી રહૃાા છે. આંદોલનકારીઓની મુખ્‍ય માંગણી રોજીરોટી માટે જમીન ફાળવવામાં આવે તે માંગ મુખ્‍ય છે. તંત્ર ઘ્‍વારા હજી સુધી જીએચસીએલ કંપની વિરૂઘ્‍ધ કાર્યવાહી હાથ ધરવામાં આવી નથી. તંત્રના અધિકારીઓ કંપનીને છાવરી રહૃાાં છે. આ જમીન પરથી દબાણ દુર કરવામાં મહિના જેટલો સમય લાગ્‍યો હોય તો આ ગામજનોને જમીન ફાળવવામાં કેટલો સમય લાગશે તેવા પ્રશ્‍નો ઉપસ્‍થિત થઈ રહૃાા છે. આંદોલન છાવણીમાં હાજરી આપતા ગુજરાત જન ચેતના પાર્ટીના સંયોજક મનુભાઈ ચાવડા, અશોકભાઈ ભાલીયા, પીપાવાવધામના સરપંચ હંસાબેન ગુજરીયા, ભાણાભાઈ ગુજરીયા, અજયભાઈ શિયાળ, રણછોડભાઈ બાંભણીયા સહિતના લોકો હાજર રહૃાા હતા અને દિવસનાં અંતે પ્રાંત કચેરીમાં આવેદનપત્ર આપવામાં આવ્‍યું હતું.