Main Menu

સનાળા ગામમાં વિકાસકાર્યો કરવામાં ભ્રષ્‍ટાચાર ?

સરપંચની કાર્યશૈલી સામે ઉપસરપંચનાં ગંભીર આક્ષેપો
સનાળા ગામમાં વિકાસકાર્યો કરવામાં ભ્રષ્‍ટાચાર ?
ઉપસરપંચે તાલુકા વિકાસ અધિકારીને પત્ર પાઠવીને તપાસ કરવા માંગ કરી
અમરેલી, તા. ર9
કુંકાવાવ તાલુકાનાં સનાળી ગામે સરપંચ ઘ્‍વારા વિકાસકાર્યોમાં ભ્રષ્‍ટાચાર કરવામાં આવ્‍યો હોવાનાં આક્ષેપ સાથે ઉપસરપંચ વલ્‍લભભાઈ પડશાલાએ તાલુકા વિકાસ અધિકારીને પત્ર પાઠવીને તટસ્‍થ તપાસ કરવાની માંગ કરી છે.
પત્રમાં જણાવેલ છે કે, સનાળા ગામે મહિલા સરપંચ શારદાબેન કિકાણી અને તેના પતિ ધવારા મોટાપાયે ભ્રષ્‍ટાચાર કરેલ છે. સનાળા ગામમાં નવી બનેલ આંગણવાડી જે પાંચ લાખની બજેટની છે. તો તે આંગણવાડીનું કામ સાવ બોગસ કરેલ છે. તેમાં વચલી દિવાલ સ્‍લેબથી જુદી પડી નમી ગયેલ છે. તેમાં આરપાર જોઈ શકાય તેવી અઢી ઈંચની તીરાડ છે. તે દિવાલ ગમે ત્‍યારે પડે એમ છે. આંગણવાડીએ બાળકો પણ આવતા નથી અને આવે તો તેને બજારમાંબેસાડવામાં આવે છે અને લાદી પણ સાવ ઉપર બેસાડી દીધેલ છે. બીજું કામ સુરેશભાઈ બાવાજીનાં ઘર પાસેથી નરસિંહભાઈ રૂપાવટીયાનાં ઘર સુધી બનાવેલ બ્‍લોક રોડમાં પણ એસ્‍ટીમેટમાં કામ કરેલ નથી અને ત્રીજુ કામ મંગળદાસબાપુ બાવાજીનાં ઘર પાસેથી પુનાભાઈ સગરનાં ઘર સુધી જે ભુગર્ભ ગટરનું કામ કરેલ છે તેમાં 8 ઈંચનાં મોટા પાઈપનાં બદલે 6 ઈંચના નાના અને નિમ્‍નકક્ષાનાં પાઈપ નાખેલ છે. અને તેમાં આવતી કુંડીમાં નવની દિવાલને બદલે સીંગલ ઈંટનું પાટેશન કરી ગેરરીતિ આચરેલ છે અને પંચાયતની મોટર કયાંય પણ ચાલતી ન હોવા છતાં મોટર રિપેર કરવાનાં ખોટા બિલ મુકી ભ્રષ્‍ટાચાર આચરવામાં આવેલ છે.
જો સરપંચ ઉપર કંઈ કાર્યવાહી કરવામાં નહી આવે તો ઉચ્‍ચકક્ષાએ રજુઆત કરવાની ફરજ પડશે. તો સ્‍થળ તપાસ કરી આ સરપંચને તાત્‍કાલીક ધોરણે સસ્‍પેન્‍ડ કરવામાં આવે એવી માંગ ઉપસરપંચે કરી છે.